അൽ ഹസ ഒ ഐ സി സി 2024 കലണ്ടർ പുറത്തിറക്കി

അൽ ഹസ: ഒ ഐ സി സി അൽ ഹസ ഏരിയ കമ്മറ്റി, ഹുഫൂഫ് ഷിഫ മെഡിക്സ് ഹെൽത്ത് കെയറിൻ്റെ സഹകരണത്തോടെ പുറത്തിറക്കുന്ന 2024 കലണ്ടർ പ്രകാശനം, ഒ ഐ സി സി പ്രസിഡൻ്റ് ഫൈസൽ വാച്ചാക്കൽ ഷിഫ മെഡിക്സ് ഹെൽത്ത് കെയർ മാർക്കറ്റിംഗ് മാനേജർ മുഹമ്മദ് അസിന് കൈമാറിക്കൊണ്ട് നിർവ്വഹിച്ചു.
2024 വർഷത്തെ ഇന്ത്യയിലെയും, സൗദി അറേബ്യയിലെയും വിശേഷ ദിവസങ്ങളും, പ്രവാസികൾ അത്യാവശ്യം അറിഞ്ഞിരിക്കേണ്ട ഇന്ത്യൻ എംബസി, നോർക്ക റൂട്ട്സ് തുടങ്ങിയ സംവിധാനങ്ങളുടെ കോൺടാക്റ്റ് നമ്പറുകളും ഉൾപ്പെടെ വളരെ ആകർഷകമായി രൂപകല്പന ചെയ്ത കലണ്ടറാണ് കഴിഞ്ഞ വർഷങ്ങളിലെന്ന പോലെ ഇപ്രാവശ്യവും അൽ ഹസ ഒ ഐ സി സി പുറത്തിറക്കിയിരിക്കുന്നത്.
കലണ്ടർ പ്രകാശനത്തോടനുബന്ധിച്ച് ഇൻഫ്ലുവൻസ വാക്സിൻ ക്യാംപയിൻ പരിപാടിയും, ആരോഗ്യ ബോധവല്ക്കരണ ക്ലാസും നടന്നു.
ഷിഫ മെഡിക്സിലെ ഡോ: ബിസ്മി സിദ്ദീഖ്, ഒഐസിസി മെഡിക്കൽ വിംഗ് കൺവീനറും പ്രിൻസ് സുൽത്താൻ കാർഡിയാക് ഹോസ്പിറ്റലിലെ മെയിൽ നഴ്സുമായ ഷിജോമോൻ വർഗ്ഗീസ് എന്നിവർ 'ഇൻഫ്ലുവൻസ വാക്സിൻ്റെ പ്രാധാന്യവും പ്രയോജനവും' എന്ന വിഷയത്തിൽ ബോധവല്ക്കരണ ക്ലാസ് നടത്തി.
കാലാവസ്ഥയിൽ വരുന്ന പെട്ടെന്നുള്ള മാറ്റങ്ങൾ കാരണം ഉണ്ടാവാൻ സാധ്യതയുള്ള വൈറൽ ഫിവർ അടക്കമുള്ളവയെ തടയുന്നതിന് വേണ്ടി സൗദി ഗവൺമെൻ്റിൻ്റെ എം ഒ എച്ച്‌ തികച്ചും സൗജന്യമായി നല്കി വരുന്ന ഇൻഫ്ലുവൻസ വാക്സിൻ (പ്രതിരോധ കുത്തിവെപ്പ് ) നിരവധിയാളുകൾ പ്രയോജനപ്പെടുത്തി.ഈ ക്യാംപയിൻ ഒരാഴ്ച (നവംബർ 30 വരെ)നീണ്ടു നിൽക്കുമെന്നു് ഷിഫ മാനേജ്മെൻ്റ് അറിയിച്ചു.
ഷിഫ മെഡിക്സ് ആഡിറ്റോറിയത്തിൽ നടന്ന പരിപാടിയിൽ ഫൈസൽ വാച്ചാക്കൽ അദ്ധ്യക്ഷത വഹിച്ചു.മുതിർന്ന ഒ ഐ സി സി നേതാവ് ശാഫി കുദിർ ഇൻഫ്ലുവൻസ വാക്സിനെടുത്ത് കൊണ്ട് ക്യാംപയിൻ ഉദ്ഘാടനം ചെയ്തു.
ഷിഫ മാർക്കറ്റിംഗ് മാനേജർ അനസ് മാള, നവാസ് കൊല്ലം, റഫീഖ് വയനാട്,പ്രസാദ് കരുനാഗപ്പള്ളി എന്നിവർ ആശംസ പ്രസംഗം നടത്തി.
ജനറൽ സെക്രട്ടറി ഉമർ കോട്ടയിൽ സ്വാഗതവും, ലിജു വർഗ്ഗീസ് നന്ദിയും പറഞ്ഞു.
നിസാം വടക്കേകോണം, അഫ്സൽ മേലേതിൽ, റീഹാന നിസാം, മൊയ്തു അടാടി, ഷാനി ഓമശ്ശേരി, ഷമീർ പനങ്ങാടൻ, സബീന അഷ്റഫ് ,ജ്വിൻ്റിമോൾ, അനീഷ് സനയ്യ, സബാസ്റ്റ്യൻ, ബിനു ഡാനിയേൽ,മുരളീധരൻ പിള്ള, ഷിബു സുകുമാരൻ, അനിരുദ്ദൻ, ഷിബു മുസ്തഫ, ദിവാകരൻ കാഞ്ഞങ്ങാട്, അബ്ദുൽ സലീം,നൗഷാദ് കെ പി,സെബി ഫൈസൽ, ജംഷാദ്, ശിവൻ കൊല്ലം, ശ്രീരാഗ്, റുക്സാന റഷീദ്, നൗഷാദ് കൊല്ലം,ജസ്നി ടീച്ചർ, അഫ്സൽ അഷ്റഫ് ,മഞ്ജു നൗഷാദ്, ഷമീർ പാറക്കൽ, അഫ്സാന അഷ്റഫ് ,ഷിഫ മെഡിക്സിലെ മുരുഗൻ ഷമീർ മജീദ്,ഷെഫിൻ തുടങ്ങിയവർ പരിപാടികൾക്ക് നേതൃത്വം നല്കി.