മനോജ് മാത്യുവിന് ഒഐസിസി യാത്രയയപ്പ് നൽകി
കുവൈറ്റ് സിറ്റി : ജോലിയുടെ ഭാഗമായി കുവൈറ്റിൽ നിന്നും സ്ഥലം മാറി പോവുന്ന ഒ.ഐ.സി.സി കുവൈറ്റ് നാഷണൽ കമ്മിറ്റി സെക്രട്ടറി ശ്രി മനോജ് മാത്യുവിന് ഒ.ഐ.സി.സി കൊല്ലം ജില്ലാ കമ്മിറ്റി യാത്രയപ്പ് നൽകി. കുവൈറ്റിൽ ഒഐസിസി യുടെ ആവിർഭാവം മുതൽ അതിന്റെ നേതൃ നിരയുടെ ഭാഗമായി പ്രവർത്തിച്ചു വരികയായിരുന്നു ശ്രീ മനോജ് മാത്യു. അദ്ദേഹത്തിന്റെ ഷർക്കിലുള്ള വസതിയിൽ കൂടിയ യോഗത്തിൽ കൊല്ലം ജില്ലയുടെ ആക്ടിംഗ് പ്രസിഡണ്ട് സൈമൺ ബേബി അധ്യക്ഷത വഹിച്ചു. പുതിയ സങ്കേതത്തിൽ അദ്ദേഹത്തിനും കുടുംബത്തിനും എല്ലാ വിധ ഭാവുകങ്ങളും നേരുന്നതായി ശ്രീസൈമൺ ബേബി പറഞ്ഞു.
ജില്ലാ യൂത്ത് വിങ് വൈസ് പ്രസിഡൻറ് അൽ അമീൻ കൊട്ടാരക്കര, യൂത്ത് വിങ് സെക്രട്ടറി ദിലീഷ് ജഗന്നാഥ എന്നിവർ ആശംസകൾ അർപ്പിച്ചു സംസാരിച്ചു. ജില്ലാ കമ്മിറ്റിയുടെ സ്നേഹോപഹാരം ഏറ്റുവാങ്ങി ശ്രി മനോജ് മാത്യു മറുപടി പ്രസംഗം നടത്തി. ദീർഘകാലമായി ഒഐസിസി നേതൃ നിരയിൽ പ്രവർത്തിച്ചു വന്ന ശ്രീ മനോജ് മാത്യു കുവൈറ്റിൽ നിന്നും വിട്ടു പോകുന്നു എന്നുള്ളത് സംഘടനയെ സംബന്ധിച്ച് തീരാ നഷ്ടമാണെന്ന് ജില്ലാ ജനറൽ സെക്രട്ടറി ശ്രി ഷംസു താമരക്കുളം സ്വാഗത പ്രസംഗത്തിൽ പറഞ്ഞു. ട്രഷറർ ശ്രി ജോർജി ജോർജ് നന്ദി പ്രകാശിപ്പിച്ചു .
