അഡ്വ ഹാഷിക് തൈക്കണ്ടിക്ക് ഒ.ഐ.സി.സി കണ്ണൂർ ജില്ലാ കമ്മിറ്റി സ്വീകരണം നൽകി!

കുവൈറ്റ് സിറ്റി : ഹ്രസ്വ സന്ദർശനത്തിനായി കുവൈറ്റിൽ എത്തിച്ചേർന്ന ഒ.ഐ.സി.സി ഗ്ലോബൽ ജനറൽ സെക്രട്ടറി യും മിഡിൽ ഈസ്റ്റ് കൺവീനറുമായ അഡ്വ: ഹാഷിക് തൈക്കണ്ടിക്ക് ഒ.ഐ.സി.സി കുവൈറ്റ് കണ്ണൂർ ജില്ലാ കമ്മിറ്റി സ്വീകരണം നൽകി. ജില്ലാ പ്രസിഡന്റ് സിദ്ദിഖ് അപ്പക്കൻ അദ്ധ്യക്ഷത വഹിച്ച ചടങ്ങിൽ, വൈസ് പ്രസിഡന്റ് ലിപിൻ മുഴക്കുന്ന്, എക്സിക്യൂട്ടീവ് അംഗങ്ങളായ ജയേഷ് ചന്ദ്രോത്ത്, രജിത് തൊടീക്കളം, സുമേഷ് പി, സജിൽ പി കെ, മഹമൂദ് പെരുമ്പ എന്നിവർ സന്നിഹിതരായിരുന്നു. അബ്ബാസിയ കാലിക്കറ്റ് ഷെഫ് റെസ്റ്റാറെന്റ് ഓഡിറ്റോറിയത്തിൽ നടന്ന ചടങ്ങിൽ വെച്ച് സിദ്ധിഖ് അപ്പക്കൻ, ലിബിൻമുഴക്കുന്നത്ത്, ഷോബിൻ സണ്ണി എന്നിവർ ചേർന്ന് അഡ്വ: ഹാഷിക് തൈക്കണ്ടിക്ക് മൊമെന്റോ കൈമാറി. ഒഐസിസി ഒരുക്കിയ സ്വീകരണത്തിന് അഡ്വ: ഹാഷിക് സമുചിതമായ കൃതജ്ഞത അറിയിച്ചു. ജില്ലാ ജനറൽ സെക്രെട്ടറി ഷോബിൻ സണ്ണി സ്വാഗതം പറഞ്ഞ ചടങ്ങിൽ, ഷരൺ കോമത്ത് നന്ദി പറഞ്ഞു.