എം എം സുബൈറിന് ഒഐസിസി യാത്രയയപ്പ് നൽകി !

കുവൈത്ത് സിറ്റി : ദീർഘ കാലത്തെ പ്രവാസ ജീവിതംഅവസാനിപ്പിച്ച് നാട്ടിലേക്കു പോകുന്ന മുൻ ക ല സേവാദൾ ഭടനും അറിയപ്പെടുന്ന പൊതു പ്രവർത്തകനുമായ മാത്തോട്ടം സ്വദേശി ശ്രി എം എം സുബൈറിന് ഒഐസിസി കുവൈറ്റ് കോഴിക്കോട് ജില്ലാ കമ്മിറ്റി ഖൈത്താനിൽ വച്ച് യാത്രയയപ്പ് നൽകി. ഒഐസിസി രൂപീകൃതമായത് മുതൽ അതിൽ അംഗമായിരുന്ന സുബൈർ നിരവധിയുള്ള കാരുണ്യ പ്രവർത്തനങ്ങൾക്ക് മുന്നിട്ടിറങ്ങുന്ന വ്യക്തിത്വത്തിന് ഉടമകൂടിയായിരുന്നു.

കാരുണ്യ രംഗത്തും സേവന രംഗത്തും വ്യക്തിമുദ്ര പതിപ്പിച്ച നല്ലൊരു മനുഷ്യ സ്നേഹിയായ എം എം സുബൈറിന്റെ സേവനങ്ങളെ യാത്രയയപ്പ് ചടങ്ങിൽ സംബന്ധിച്ചവർ എടുത്തു പറഞ്ഞു. ഒഐസിസി കോഴിക്കോട് ജില്ലാ പ്രസിഡന്റ് കൃഷ്ണൻ കടലുണ്ടിയുടെ അധ്യക്ഷതയിൽ ചേർന്ന യോഗത്തിൽ ജില്ലാ ജനറൽ സെക്രട്ടറി ശംസുദ്ധീൻ ടി കെ സ്വാഗതം പറഞ്ഞു. സുരേഷ് മാത്തൂർ, ഉബൈദ് സി കെ, ഷൗക്കത്തലി ആർ എൻ, തുളസീധരൻ ബേപ്പൂർ എന്നിവരും സംസാരിച്ചു. സുബൈർ പരുപാടി പ്രസംഗം നടത്തി. ജില്ലാ കമ്മിറ്റിയുടെ ഉപഹാരം പ്രവർത്തകർ ചേർന്ന് കൈമാറി.