പൊതുരംഗത്ത് പ്രവർത്തിക്കുന്നവർ മാതൃകയാക്കേണ്ട നേതാവാണ് ഉമ്മൻചാണ്ടി: ടി സിദ്ദിഖ് എം എൽ എ

കൽപ്പറ്റ: മുൻ മുഖ്യമന്ത്രി ഉമ്മൻചാണ്ടിയുടെ അനുസ്മരണ പരിപാടി സംഘടിപ്പിച്ച് കെഎസ്‌യു വയനാട് ജില്ലാ കമ്മിറ്റി. കെപിസിസി വർക്കിംഗ് പ്രസിഡന്റും കൽപ്പറ്റ നിയോജകമണ്ഡലം എംഎൽഎയുമായ അഡ്വ. ടി സിദ്ദിഖ് അനുസ്മരണ പ്രഭാഷണം നടത്തി.

പൊതുരംഗത്ത് നിലകൊള്ളുന്ന ഓരോ പ്രവർത്തകരും മാതൃകയാക്കേണ്ട നേതാവാണ് ഉമ്മൻ‌ചാണ്ടിയെന്നും ജനമനസുകളിൽ മരണമില്ലാത്ത, ജനങ്ങൾക്കായി ഒരു ജീവിതം മുഴുവൻ ജീവിച്ച നേതാവാണ് ഉമ്മൻ ചാണ്ടിയെന്നും ടി സിദ്ദിഖ് പറഞ്ഞു.

കെഎസ്‌യു ജില്ലാ പ്രസിഡന്റ്‌ അഡ്വ. ഗൗതം ഗോകുൽദാസ് അധ്യക്ഷത വഹിച്ചു. ഡിസിസി വൈസ് പ്രസിഡണ്ട് ഓ വി അപ്പച്ചൻ, മജീദ് വി എ, ബി സുരേഷ്, ഡിന്റോ ജോസ്,രോഹിത് ശശി,അതുൽ തോമസ്, അസ്‌ലം ഷേർഖാൻ, ഷിബു ജി,ബേസിൽ ജോർജ്, അജ്മൽ പി എച്, യാസീൻ പഞ്ചാര, ആൻ മരിയ, മീരാ കർണൻ തുടങ്ങിയവർ നേതൃത്വം നൽകി.