സംസ്ഥാനത്ത് ഇന്ന് ഒമ്പത് ജില്ലകളില് ഓറഞ്ച് അലര്ട്ട്
തിരുവനന്തപുരം: സംസ്ഥാനത്ത് ഇന്ന് ഒമ്പത് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. കാസര്കോട്, കോഴിക്കോട്, മലപ്പുറം, എറണാകുളം, ആലപ്പുഴ, ഇടുക്കി, കോട്ടയം, പത്തനംതിട്ട, തിരുവനന്തപുരം ജില്ലകളിലാണ് കേന്ദ്ര കാലാവസ്ഥാ വകുപ്പ് ഓറഞ്ച് അലര്ട്ട് നല്കിയിരിക്കുന്നത്. ബാക്കി ജില്ലകളില് യെല്ലോ അലര്ട്ടാണ്.
അടുത്ത 3 മണിക്കൂറില് തിരുവനന്തപുരം, കൊല്ലം, ആലപ്പുഴ, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഒറ്റപ്പെട്ടയിടങ്ങളില് ഇടത്തരം മഴയ്ക്കും മണിക്കൂറില് 30 കിലോമീറ്റര് വരെ വേഗതയില് വീശിയേക്കാവുന്ന ശക്തമായ കാറ്റിനും മറ്റെല്ലാ ജില്ലകളിലും ഒറ്റപ്പെട്ടയിടങ്ങളില് നേരിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
താഴ്ന്ന പ്രദേശങ്ങളിലും നദീതീരങ്ങളിലും വെള്ളക്കെട്ടിനും വെള്ളപ്പൊക്കത്തിനും സാധ്യതയുണ്ട്. പ്രധാന റോഡുകളിലെ വെള്ളക്കെട്ട് മൂലം ഗതാഗതക്കുരുക്ക് ഉണ്ടാകാം. അത്യാവശ്യമല്ലാത്ത യാത്രകള് ഒഴിവാക്കി ആളുകള് സുരക്ഷിത മേഖലകളില് തുടരണമെന്നും നിര്ദേശമുണ്ട്.
ഏഴു ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി
സംസ്ഥാനത്ത് കനത്ത മഴ തുടരുന്ന സാഹചര്യത്തില് ഏഴു ജില്ലകളിലെ വിദ്യാഭ്യാസ സ്ഥാപനങ്ങള്ക്ക് കലക്ടര്മാര് ഇന്ന് അവധി നല്കി. കാസര്കോട്, തൃശൂര്, മലപ്പുറം, കണ്ണൂര്, വയനാട്, കോഴിക്കോട്, പാലക്കാട് ജില്ലകളിലാണ് ഇന്ന് അവധി.