ഫ്രാന്‍സിസ് ജോർജിന് അപരന്മാർ; സിപിഎമ്മിന് പരാജയഭീതിയെന്ന് യുഡിഎഫ്

കോട്ടയം ലോക്സഭാ തെരഞ്ഞെടുപ്പിൽ യുഡിഎഫ് സ്ഥാനാര്‍ത്ഥി ഫ്രാന്‍സിസ് ജോര്‍ജിന് അപരനായി സിപിഐഎം നേതാവ്. പാടത്തോട് ലോക്കല്‍ കമ്മറ്റി അംഗം ഫ്രാന്‍സിസ് ജോർജ് നാമനിര്‍ദേശ പത്രിക നല്‍കി.

യുഡിഎഫ് സ്ഥാനാര്‍ത്ഥി ഫ്രാന്‍സിസ് ജോര്‍ജിന് രണ്ട് അപരന്മാരാണ് ഉള്ളത്. കോട്ടയം കൂവപ്പള്ളി സ്വദേശി ഫ്രാന്‍സിസ് ജോര്‍ജ് അതുപോലെ തൃശ്ശൂര്‍ കേച്ചേരി സ്വദേശി ഫ്രാന്‍സിസ് ഇ ജോര്‍ജ്. നാമനിര്‍ദേശ പത്രിക സമര്‍പ്പിക്കേണ്ട അവസാന ദിനമായ ഇന്നലെയാണ് രണ്ടും പേരും പത്രിക നല്‍കിയത്. അപരന്‍മാരെ ഇറക്കിയതിന് പിന്നില്‍ എല്‍ഡിഎഫിന്റെ പരാജയ ഭീതി ആണെന്ന് യുഡിഎഫ് ആരോപിച്ചു.