പാലക്കാടിന്റേത് മതേതര മനസ്; മികച്ച ഭൂരിപക്ഷം ഉണ്ടാകും: രാഹുൽ മാങ്കൂട്ടത്തിൽ

പാലക്കാട്‌: പാലക്കാട് ഉപതെരഞ്ഞെടുപ്പ് പുരോഗമിക്കുമ്പോൾ പാലക്കാടിന്റെ മതേതരമനസ്സ് യുഡിഎഫിനൊപ്പമാണെന്നും മികച്ച ഭൂരിപക്ഷത്തിൽ ജയിക്കുമെന്നും യുഡിഎഫ് സ്ഥാനാര്‍ഥി രാഹുല്‍ മാങ്കൂട്ടത്തില്‍. എൽഡിഎഫിന്റെ പരസ്യം ഹരികൃഷ്ണൻസ് സിനിമ പോലെയായെന്നും രാഹുൽ മാങ്കൂട്ടത്തില്‍ പരിഹസിച്ചു. ചില പത്രങ്ങളിൽ ഒരു പരസ്യം മറ്റ് പത്രങ്ങളിൽ മറ്റ് പരസ്യങ്ങൾ. ഏത് തരത്തിലുള്ള വിവാദങ്ങൾ ഉണ്ടാക്കാൻ ശ്രമിച്ചാലും ജനങ്ങൾ അത് തിരിച്ചറിയുമെന്നും തെരഞ്ഞെടുപ്പിനെ ഒരു തരത്തിലും ഈ വിവാദങ്ങൾ ബാധിക്കാൻ പോകുന്നില്ലെന്നും രാഹുൽ പറഞ്ഞു. ഇരട്ടവോട്ട് തടയും എന്ന സിപിഎമ്മിന്റെ പ്രസ്താവന നേരത്തേ ആവേണ്ടിയിരുന്നതാണെന്നും ബിജെപിയുടെ പരമാവധി ഇരട്ട വോട്ടർമാരെ കയറ്റാനായിരുന്നു സിപിഎമ്മിന്റെ ശ്രമമെന്നും രാഹുൽ ആരോപിച്ചു.