പാലക്കാട്‌ ശക്തി കേന്ദ്രങ്ങളിൽ തകർന്നടിഞ്ഞ് ബിജെപി, വോട്ടെണ്ണൽ യുഡിഎഫ് സ്വാധീന മേഖലയിലേക്ക്

പാലക്കാട്‌: പാലക്കാട് വോട്ടെണ്ണൽ ഏഴാം റൗണ്ട് പിന്നിടുന്നു. ശക്തി കേന്ദ്രങ്ങളിലെ വോട്ട് എണ്ണി തീരുമ്പോൾ ബിജെപിക്ക് 347 വോട്ടിന്റെ ലീഡ് മാത്രമാണ് നിലവിലുള്ളത്. കഴിഞ്ഞ തിരഞ്ഞെടുപ്പുകൾ ബിജെപി വ്യക്തമായ മുന്നേറ്റം നടത്തിയിരുന്ന ഏഴു റൗണ്ടുകളിൽ കാര്യമായ പോരാട്ടം പോലും നടത്താൻ ബിജെപി ബിജെപിക്ക് ഇത്തവണ കഴിഞ്ഞിട്ടില്ല. ബിജെപി ശക്തികേന്ദ്രമായ പാലക്കാട് നഗരസഭയിൽ യുഡിഎഫ് മുന്നേറ്റം തുടരുന്നു എന്ന കാഴ്ചയാണ് ഇപ്പോൾ തുടരുന്നത്. ഇനി തുടർന്നുള്ള റൗണ്ടുകളിൽ വോട്ട് എണ്ണുന്നത് നഗരസഭയിലെ യുഡിഎഫ് കേന്ദ്രങ്ങളിലാണ്. തുടർന്ന് കണ്ണാടി, മാത്തൂർ, പഞ്ചായത്തുകളിലും യുഡിഎഫ് യുഡിഎഫ് കോട്ടയായ പിരായിരി പഞ്ചായത്തിലും ആണ് ഇനി വോട്ട് എണ്ണാൻ ഉള്ളത്.