പാലക്കാട്‌ സ്വകാര്യബസ് മറിഞ്ഞ് അപകടം; ഇരുപതോളം പേർക്ക് പരിക്ക്

പാലക്കാട്: പാലക്കാട്‌ സ്വകാര്യബസ് മറിഞ്ഞ് അപകടം ഇരുപതോളം പേർക്ക് പരിക്കേറ്റു. കോങ്ങാടിന് സമീപമാണ് അപകടം. ആരുടേയും പരിക്ക് ഗുരുതരമല്ലെന്നാണ് റിപ്പോർട്ട്. കോങ്ങാട് -ചെർപ്പുളശ്ശേരി റോഡിൽ പാറശ്ശേരിയിലാണ് പാലക്കാട് നിന്നും ചെർപ്പുളശ്ശേരിയിലേക്ക് പോകുന്ന ബസ് മറിഞ്ഞത്. വെള്ളിയാഴ്ച രാത്രി 7.50നാണ് അപകടമുണ്ടായത്. അപകടവിവരം അറിഞ്ഞ ഉടൻ നാട്ടുകാരും, അഗ്‌നി രക്ഷാ വിഭാഗവും, പോലീസും സ്ഥലത്തെത്തി രക്ഷാ പ്രവർത്തനത്തിലേർപ്പെട്ടു. പരിക്കേറ്റവരെ കോങ്ങാട്, കടമ്പഴിപ്പുറം, പാലക്കാട് ജില്ലാ ആശുപത്രി എന്നിവിടങ്ങളിൽ പ്രവേശിപ്പിച്ചു.