പ്രധാനമന്ത്രിക്കു ജനങ്ങളോടു
പ്രതിബദ്ധതയില്ല: സോണിയ

ന്യൂഡൽഹി; ജനങ്ങളോടു പ്രതിബദ്ധതയില്ലാത്ത പ്രധാനമന്ത്രിയാണു നരേന്ദ്ര മോദിയെന്ന് യുപിഎ അധ്യക്ഷ സോണിയ ​ഗാന്ധി. അതുകൊണ്ടാണ് പാർലമെന്റിലെ പുകയാക്രമണത്തെക്കുറിച്ചു ജനപ്രതിനിധി സഭയിൽ നേരിട്ട് ഹാജരായി നരേന്ദ്ര മോദി പ്രസ്താവന നടത്താത്തത്. ഈ ആവശ്യം ഉന്നയിച്ച് പ്രതിഷേധിക്കുന്ന ജന പ്രതിനിധികളെ പൂർണമായി പുറത്താക്കിയ നടപ‌ടി അം​ഗീകരിക്കാനാവില്ലെന്നും സണിയ ​ഗാന്ധി. കോൺ​ഗ്രസ് പാർലമെന്ററി പാർട്ടി യോ​ഗത്തിൽ സംസാരിക്കുകയായിരുന്നു സോണിയ ​ഗാന്ധി. പർലമെന്റ് ആക്രമണത്തെ സോണിയ ശക്തമായ ഭാഷയിൽ അപലപിച്ചു.
എംപിമാരെ പുറത്താക്കിയ നടപടിയിലും ആക്രമണത്തിലും പ്രതിഷേധം തുടരാൻ യോ​ഗം തീരുമാനിച്ചു. ​പുറത്താക്കപ്പെട്ട എംപിമാർ ​ഗാന്ധി പ്രതിമയ്ക്കു മുന്നിൽ പ്രതിഷേധിച്ചു. അതേ സമയം കൂടുതൽ എംപിമാർക്കെതിരേ നടപടി ഉണ്ടാകുമെന്ന് സൂചനയുണ്ട്.