അരവിന്ദ് കെജ്‌രിവാളിന്റെ അറസ്റ്റിൽ പ്രതിഷേധം ശക്തം

ഡൽഹി മുഖ്യമന്ത്രി അരവിന്ദ് കെജ്‌രിവാളിന്റെ അറസ്റ്റിൽ പ്രതിഷേധം കടുപ്പിക്കാൻ ആം ആദ്മി പാർട്ടി. പോലീസ് വിലക്ക് മറികടന്ന് പ്രധാനമന്ത്രിയുടെ വസ്തി വളയാൻ ആം ആദ്മി പ്രവർത്തകർ. കനത്ത സുരക്ഷ ഏർപ്പെടുത്തി പോലീസ്. ഡൽഹിയിലെ തന്ത്ര പ്രധാന മേഖലകളിൽ നിരോധനാജ്ഞ ഏർപ്പെടുത്തും. തുഗ്ലക്ക് റോഡ്, സഫ്ദർജംഗ് റോഡ്, കമാൽ അത്താതുർക്ക് മാർഗ് എന്നിവിടങ്ങളിൽ ഗതാഗത നിയന്ത്രണവും ഉണ്ടാകുമെന്നാണ് റിപ്പോർട്ട്. ഇ ഡിയുടെ കസ്റ്റഡിയിലുള്ള കെജ്‌രിവാളിനെ ചോദ്യംചെയ്തുവരികയാണ്. ഇതിനിടയിൽ മുഖ്യമന്ത്രി സ്ഥാനം രാജിവെക്കണമെന്നാവശ്യപ്പെട്ട് ബിജെപി രംഗത്തെത്തിയിട്ടുണ്ട്.