നവകേരള സദസിനെതിരെ വാഴ വെച്ച് പ്രതിഷേധം; വെട്ടിമാറ്റി സിപിഎം പ്രവർത്തകർ

പാലക്കാട്: നവകേരള സദസിനെതിരെ വാഴ വെച്ച് പ്രതിഷേധം. പാലക്കാട് ഒറ്റപ്പാലത്ത് നവകേരള സദസ് നടക്കുന്ന വേദിക്ക് സമീപം 21 വാഴ വെച്ചാണ് യൂത്ത് കോൺഗ്രസ് പ്രതിഷേധിച്ചത്. ഇന്നലെ രാത്രിയായിരുന്നു വാഴ വെച്ചത്. എന്നാൽ രാവിലെ വാഴകൾ വെട്ടി മാറ്റിയ നിലയിലായിരുന്നു. സിപിഎം പ്രവർത്തകരാണ് വാഴകൾ വെട്ടി മാറ്റിയതെന്നാണ് യൂത്ത് കോൺഗ്രസ് പ്രവർത്തകർ പറയുന്നത്. ഒറ്റപ്പാലത്ത് നടക്കാനിരിക്കുന്ന ഏതോ സദസിലേക്ക് എത്തിച്ചേരുന്നവർക്ക് അവിടുത്തെ സാമാന്യ ജനങ്ങൾ ഒരുക്കിയ വമ്പിച്ച സ്വീകരണമെന്ന് കുറിച്ച് വാഴ വച്ചതിൻ്റെ ചിത്രങ്ങൾ കോൺ ഗ്രസ് നേതാവ് ഡോ. പി സരിൻ ഫേസ്ബുക്കിൽ പങ്കുവെച്ചിട്ടുമുണ്ട്.