രാഗാ തരംഗം: ബിജെപി കിതയ്ക്കുന്നു

ഡല്‍ഹി: വയനാട്ടിലും റായ്ബറേലിയിലും രാഗാ തരംഗം. വയനാട്ടില്‍ മുപ്പതിനായിരത്തിനു മുകളില്‍ രാഹുല്‍ ഗാന്ധിയുടെ ലീഡ് തുടരുന്നു. റായ്ബറേലിയിലും രാഹുല്‍ ഗാന്ധിയുടെ മുന്നേറ്റം. വാരണാസിയില്‍ പ്രധാനമന്ത്രി നരേന്ദ്ര മോദി പിന്നില്‍. തെരഞ്ഞെടുപ്പു കമ്മീഷന്റെ സൈറ്റില്‍ തെളിഞ്ഞത് നരേന്ദ്ര മോദി പിന്നില്‍.

എക്‌സിറ്റ് പോള്‍ ഫലങ്ങള്‍ കാറ്റില്‍ പറത്തി ഇന്ത്യാ സഖ്യം മുന്നേറുന്നു.രാജ്യത്ത് ലോക്‌സഭ തെരഞ്ഞെടുപ്പ് വോട്ടെണ്ണല്‍ ആദ്യ 75 മിനിറ്റ് പിന്നിട്ടപ്പോള്‍ 255 സീറ്റില്‍ ഇന്‍ഡ്യ മുന്നേറുന്നു. 234 സീറ്റില്‍ മാത്രമാണ് എന്‍.ഡി.എ മുന്നേറുന്നത്. കേരളത്തിലും ദേശീയ തലത്തിലും വിവിധ മണ്ഡലങ്ങളില്‍ ലീഡ് നിലകള്‍ മാറിമറിയുകയാണ്. ഓരോ ഘട്ടം പിന്നിടുമ്പോഴും ഫലസൂചന പുറത്തുവരുമെങ്കിലും വി.വിപാറ്റുകള്‍ കൂടി എണ്ണിത്തീര്‍ന്ന ശേഷമാണ് അന്തിമഫല പ്രഖ്യാപനം ഉണ്ടാകുക.