ബിജെപി കേന്ദ്രങ്ങളിൽ കടന്നു കയറി രാഹുൽ; ആഘോഷം തുടങ്ങി യുഡിഎഫ് പ്രവർത്തകർ

പാലക്കാട്‌: വോട്ടെണ്ണൽ പുരോഗമിക്കുന്ന പാലക്കാട് മണ്ഡലത്തിൽ യുഡിഎഫിന് ലീഡ്. 1228 വോട്ടുകൾക്കാണ് രാഹുൽ ലീഡ് ചെയ്യുന്നത്. നഗര മേഖലകളിൽ വൻ മുന്നേറ്റമാണ് രാഹുൽ തുടരുന്നത്. ശക്തി കേന്ദ്രങ്ങളിൽ വോട്ടെണ്ണുന്ന ആദ്യ രണ്ട് റൗണ്ടുകളിൽ ബിജെപിക്ക് പ്രതീക്ഷിച്ച മുന്നേറ്റം നടത്താൻ കഴിഞ്ഞിട്ടില്ല. അതേസമയം ബിജെപി കേന്ദ്രങ്ങളിൽ വൻ മുന്നേറ്റം ഉണ്ടാക്കാനും രണ്ടാം റൗണ്ടിൽ ഒരു ഘട്ടത്തിൽ ലീഡ് നേടാനും രാഹുൽ മാങ്കൂട്ടത്തിലിന് കഴിഞ്ഞത് ശുഭ സൂചനയായാണ് യുഡിഎഫ് പ്രവർത്തകർ കാണുന്നത്. വോട്ടെണ്ണൽ നഗരസഭയിലെ യുഡിഎഫ് മേഖലകളിലേക്ക് കടക്കുന്നതോടെ മൂന്നാം റൗണ്ടിൽ തന്നെ ലീഡ് നേടാനാവും എന്നാണ് യുഡിഎഫ് പ്രതീക്ഷ. ശക്തി കേന്ദ്രങ്ങളിൽ ബിജെപിക്ക് മുന്നേറ്റം ഉണ്ടാക്കാൻ കഴിയാത്ത സ്ഥിതിക്ക് തെരഞ്ഞെടുപ്പിന്റെ ട്രെൻഡ് ആണ് ആദ്യഘട്ടത്തിൽ തന്നെ വ്യക്തമാകുന്നത് എന്നാണ് യുഡിഎഫ് ക്യാമ്പിന്റെ പ്രതീക്ഷ.