രാഹുൽ ഗാന്ധി വയനാട്ടിൽ

നാമനിർദ്ദേശ പത്രിക സമർപ്പിക്കാൻ രാഹുല്‍ ഗാന്ധി വയനാട്ടിലെത്തി. പ്രയങ്കാ ഗാന്ധിക്കൊപ്പമാണ് രാഹുല്‍ ഗാന്ധി വയനാട്ടിലെത്തിയത്. സ്ഥാനാര്‍ത്ഥി പ്രഖ്യാപനത്തിന് ശേഷം ആദ്യമായി വയനാട്ടിലെത്തുന്ന രാഹുല്‍ ഗാന്ധിയ്ക്ക് ആവേശ്വോജ്വലമായ സ്വീകരണം നൽകി യുഡിഎഫ് പ്രവര്‍ത്തകര്‍. മൂപ്പയ്നാട് പഞ്ചായത്തിലെ റിപ്പൺ എസ്റേറ്റിലാണ് ഹെലികോപ്റ്റർ ഇറങ്ങിയത്. ഇവിടെയുണ്ടായിരുന്ന തോട്ടം തൊഴിലാളികളെ രാഹുൽ ഗാന്ധിയും പ്രിയങ്ക ഗാന്ധിയും അഭിവാദനം ചെയ്തു.

തുടർന്ന് വാഹന റാലിയുടെ അകമ്പടിയോടെ രാഹുൽ ഗാന്ധി റോഡ് മാർഗം കല്പറ്റയിലേക്ക് പുറപ്പെട്ടു. ഇന്ന് 12 മണിയോടെ രാഹുല്‍ ഗാന്ധി നാമനിര്‍ദേശപത്രിക സമര്‍പ്പിക്കും. നാമനിര്‍ദ്ദേശ പത്രിക സമര്‍പ്പണത്തിന് മുന്നോടിയായി കല്‍പ്പറ്റ പുതിയ ബസ്സ്റ്റാന്‍ഡ് പരിസരത്തുനിന്ന് ആരംഭിക്കുന്ന റോഡ് ഷോയില്‍ ആയിരക്കണക്കിന് കോണ്‍ഗ്രസ് പ്രവര്‍ത്തകര്‍ പങ്കെടുക്കും.