രാഹുൽ മാങ്കൂട്ടത്തിൽ നാമനിർദേശക പത്രിക സമർപ്പിച്ചു

പാലക്കാട്‌: പാലക്കാട് നിയോജകമണ്ഡലം യുഡിഎഫ് സ്ഥാനാർഥി രാഹുൽ മാങ്കൂട്ടത്തിൽ നാമനിർദേശക പത്രിക സമർപ്പിച്ചു. വരണാധികാരി പാലക്കാട് ആർഡിഒ ശ്രീജിത്ത് മുമ്പാകെയാണ് പത്രിക സമർപ്പിച്ചത്. ഉച്ചയ്ക്ക് 12 മണിയോടെ നാമനിർദേശ പത്രിക സമർപ്പിച്ചത്. മേലാമുറി ജംഗ്ഷനിൽ നിന്നും നേതാക്കളുടെയും പ്രവർത്തകരുടെയും അകമ്പടിയോടെ കൂറ്റൻറാലിയോടെയാണ് താരേക്കാട് ആർഡിഒ ഓഫീസിൽ എത്തി നാമനിർദേശക പത്രിക സമർപ്പിച്ചത്. ഷാഫി പറമ്പിൽ എംപി വികെ ശ്രീകണ്ഠൻ എംപി ഷംസുദ്ദീൻ എംഎൽഎ, ജെബി മേത്തർ എംപി, ഡിസിസി പ്രസിഡന്റ് എ തങ്കപ്പൻ തുടങ്ങിയവരുടെ സാന്നിധ്യത്തിൽ ആയിരുന്നു പത്രിക സമർപ്പിച്ചത്.