പാര്‍ട്ടി പേജില്‍ രാഹുല്‍ മാങ്കൂട്ടത്തിലിന്റെ പ്രചരണ വീഡിയോ: സിപിഎം പരാതി നല്‍കി

തിരുവനന്തപുരം: ഔദ്യോഗിക ഫേസ്ബുക്ക് പേജില്‍ രാഹുല്‍ മാങ്കൂട്ടത്തിലിന്റെ പ്രചരണ വീഡിയോ വന്നതില്‍ സിപിഎം പരാതി നല്‍കി. എസ്പി ഓഫീസില്‍ രേഖാമൂലം പരാതി നല്‍കിയതായി ജില്ലാ സെക്രട്ടറി കെ.പി ഉദയഭാനു പറഞ്ഞു. വീഡിയോ പ്രചരിച്ചതില്‍ അന്വേഷണം വേണമെന്ന് പരാതിയില്‍ പറയുന്നു.

സിപിഎം പത്തനംതിട്ട ഫേസ്ബുക്ക് പേജിലാണ് 'പാലക്കാട് എന്ന സ്‌നേഹവിസ്മയം' എന്ന് അടിക്കുറിപ്പോടു കൂടിയ വീഡിയോ കഴിഞ്ഞ ദിവസം പ്രത്യക്ഷപ്പെട്ടത്. 63,000 ഫോളോവേഴ്‌സുള്ള പേജില്‍ അബദ്ധത്തില്‍ പോസ്റ്റ് ചെയ്ത വീഡിയോ ശ്രദ്ധയില്‍ പെട്ട ഉടന്‍ തന്നെ നീക്കം ചെയ്തിരുന്നു.ഫേസ്ബുക്ക് അഡ്മിന്‍ പാനല്‍ പുനഃസംഘടിപ്പിച്ചു. സംഭവത്തില്‍ സംസ്ഥാന സംസ്ഥാന നേതൃത്വം വിശദീകരണം തേടിയിട്ടുണ്ട്