വയനാട്ടിലെ ദുരിത ബാധിതർക്ക് കൈത്താങ്ങ്

പോത്താനിക്കാട് : വയനാട്ടിലെ ദുരിത ബാധിതർക്കായി ഇന്ത്യൻ നാഷണൽ ആർട്ടിസ്റ്റ് യൂണിയൻ കോൺഗ്രസ് മൂവാറ്റുപുഴ നിയോജക മണ്ഡലം കമ്മിറ്റി അരി, പലവ്യഞ്ജനങ്ങൾ, വസ്ത്രങ്ങൾ തുടങ്ങിയവ സമാഹരിച്ചു. ശേഖരിച്ച മൂന്നുലക്ഷം രൂപയുടെ സാധനങ്ങൾ സംസ്ഥാന വൈസ് പ്രസിഡൻ്റ് വിൻസൻ്റ് മേക്കുന്നേൽ( മുൻ പെരുമ്പാവൂർ മണ്ഡലം പ്രസിഡന്റ്‌, പെരുമ്പാവൂർ അഗ്രിക്കൾച്ചറൽ സൊസൈറ്റി പ്രസിഡന്റ്‌)റോയ് കല്ലുങ്കലിനു കൈമാറി. നിയോജകമണ്ഡലം പ്രസിഡൻ്റ് ടി.എ.കൃഷ്ണൻകുട്ടി അധ്യക്ഷത വഹിച്ചു. മാണി പിട്ടാപ്പിള്ളിൽ, കെ.വി. കുര്യാക്കോസ്, സന്തോഷ് ഐസക്, കെ.എം.ചാക്കോ, സന്ദീപ്. സി. നായർ തുടങ്ങിയവർ പ്രസംഗിച്ചു.