റിയാദ് മരത്തോണിൽ ശ്രദ്ധേയരായി കുവൈറ്റിൽ നിന്നുള്ള മലയാളികൾ!

ഇരുപതിനായിരത്തിലധികം പേർ പങ്കെടുത്ത സൗദി അറേബ്യയിലെ റിയാദിൽ നടന്ന മൂന്നാമത് എഡിഷൻ റിയാദ് മരത്തോണിൽ കുവൈറ്റിൽ നിന്നുള്ള മലയാളി സാന്നിധ്യമായി തൃശ്ശൂർ നിവാസികളായ രെജീഷ്‌ ചിന്നൻ, ഫെമിജ് പുത്തൂർ, ഗിരീഷൻ പൗലോസ് എന്നിവർ ശ്രദ്ധേയരായി. നാല്‌ മണിക്കൂർ സമയം കൊണ്ട് 42 കിലോമീറ്റർ ആണ് ഇവർ വിജയകരമായി ഓടിത്തീർത്തത്. കുവൈറ്റിലെ മലയാളികളിൽ ഫിറ്റ്നസ് അവബോധം വളർത്തിയെടുക്കാൻ പ്രവർത്തിക്കുന്ന കൂട്ടായ്മയായ പൂരം ഗഡീസ് വർക്കൗട്ട്‌ വാരിയേഴ്സ് ടീം അംഗങ്ങളാണ് മൂവരും.