നിര്‍ധന രോഗികള്‍ക്ക് ചികിത്സാ ധനസഹായാര്‍ത്ഥം രുചിഫെസ്റ്റ് സംഘടിപ്പിച്ചു

തിരുവനന്തപുരം: റീജിയണല്‍ കാന്‍സര്‍ സെന്ററില്‍ ചികിത്സയിലിരിക്കുന്ന നിര്‍ധന രോഗികള്‍ക്ക് ധനസഹായാര്‍ത്ഥം കേരള സെക്രട്ടേറിയറ്റ് അസോസിയേഷന്റെ വനിതാ വിഭാഗമായ സെക്രട്ടേറിയറ്റ് വനിതാവേദി രുചിഫെസ്റ്റ് സംഘടിപ്പിച്ചു. ഡോ.മാത്യു കുഴല്‍നാടന്‍ എം എല്‍ എ ഉദ്ഘാടനം ചെയ്തു. അനിതാ രമേശ് ചെന്നിത്തല മുഖ്യാതിഥി ആയിരുന്നു. വനിതാവേദി പ്രസിഡന്റ് എന്‍ റീജ അധ്യക്ഷത വഹിച്ചു.

കേരള സെക്രട്ടേറിയറ്റ് അസോസിയേഷന്‍ പ്രസിഡന്റ് എം എസ് ഇര്‍ഷാദ്, കെ പി പുരുഷോത്തമന്‍, സ്മിത അലക്‌സ്, ഗായത്രി, കെ എം അനില്‍കുമാര്‍, മീര സുരേഷ്, ശില്‍പ, എം എസ് ഷാനി, റീജ, സൗമിനി ജേക്കബ് തുടങ്ങിയവര്‍ സംസാരിച്ചു. സെക്രട്ടേറിയറ്റ് ജീവനക്കാര്‍ തയ്യാറാക്കിയ വിഭവങ്ങളായിരുന്നു രുചിഫെസ്റ്റില്‍ വിതരണം ചെയ്തത്. ഇതില്‍ നിന്നും ലഭിക്കുന്ന വരുമാനം മുഴുവനായി തന്നെ ചികിത്സാ ധനസഹായത്തിനായിട്ടാണ് വിനിയോഗിക്കുന്നത്