മണ്ഡലകാല പൂജകൾക്കായി ശബരിമല നട ഇന്ന് തുറക്കും

പമ്പ: മണ്ഡലകാല പൂജകൾക്കായി ശബരിമല നട ഇന്നു തുറക്കും. വൈകീട്ട് അഞ്ചിന് നട തുറന്നതിനു ശേഷം പുതിയ ശബരിമല മാളികപ്പുറം മേൽശാന്തിമാരുടെ അഭിഷേകം നടക്കും. താഴമൺ മഠത്തിലെ പ്രത്യേക പരിശീലനത്തിനുശേഷം എത്തുന്ന നിയുക്ത‌ മേൽശാന്തിമാരെ തന്ത്രി കണ്ഠര് രാജീവര് ആണ് അഭിഷേകം ചെയ്യുന്നത്. ഉച്ചയ്ക്ക് ഒരു മണി മുതൽ പമ്പയിൽ നിന്ന് തീർഥാടകരെ സന്നിധാനത്തേക്ക് കടത്തിവിടും

നാളെ വൃശ്ചികം പുലരിയിൽ മണ്ഡല-മകരവിളക്ക് തീർത്ഥാടനത്തിന് ആരംഭം കുറിക്കും. പുലർച്ചെ മൂന്നിന് നട തുറക്കുന്നത് പുതിയ മേൽശാന്തി അരുൺകുമാർ നമ്പൂതിരി ആയിരിക്കും.