വനത്തിൽ കുടുങ്ങിയ ശബരിമല തീർഥാടകരെ രക്ഷപെടുത്തി

പമ്പ: ശബരിമല വനത്തിൽ കുടുങ്ങിയ തീർഥാടകരെ രക്ഷപെടുത്തി. 20 തീർഥാടകരെ എൻഡിആർഎഫ് സംഘമാണ് വനത്തിനുള്ളിൽ നിന്നും പുറത്തെത്തിച്ചത്.
പുല്ലുമേട് വഴി എത്തിയ തീർഥാടകരാണ് സന്നിധാനത്തിന് രണ്ടര കിലോമീറ്റർ ഉള്ളിൽ വനത്തിൽ കുടുങ്ങിയത്. രാവിലെ 11 നാണ് തീർഥാടക സംഘം സന്നിധാനത്തേക്ക് പുറപ്പെട്ടത്. സംഘത്തിലെ രണ്ട് പേർക്ക് ശാരീരിക അസ്വസ്ഥ വന്നതോടെ യാത്ര വളരെ വൈകി. രാത്രിയായതിനാൽ വനത്തിന് പുറത്തേക്ക് പോകാൻ സാധിക്കാതെവന്നു.
കുട്ടികൾ ഉൾപ്പെടയുള്ളവർ തീർഥാടക സംഘത്തിൽ ഉണ്ടായിരുന്നു. എൻടിആർഎഫ് സംഘവും ഫയർഫോഴ്സു‌ം ചേർന്നാണ് രക്ഷപ്പെടുത്തിയത്. ഇവരെ സന്നിധാനം ആശുപത്രിയിൽ എത്തിച്ചു പ്രാഥമിക ചികിത്സയും നൽകി. എല്ലാവരുടെയും ആരോഗ്യനില പൂർണ തൃപ്തികരമാണ്.