ശബരിമല ഡ്യൂട്ടിക്കിടെ മദ്യപിച്ചെത്തി ബഹളമുണ്ടാക്കിയ പോലീസുകാരന് സസ്പെൻഷൻ

പത്തനംതിട്ട: ശബരിമല ഡ്യൂട്ടിക്കിടെ നിലയ്ക്കലിൽ മദ്യപിച്ചെത്തി ബഹളമുണ്ടാക്കിയ പോലീസുകാരന് സസ്പെൻഷൻ. മലപ്പുറം എംഎസ്‌പി ബറ്റാലിയനിലെ എസ്ഐ ബി. പദ്‌മകുമാറിനെതിരെയാണ് നടപടി. കഴിഞ്ഞ നവംബർ 13നാണ് സംഭവം. നിലയ്ക്കൽ സബ്ഡിവിഷൻ്റെ ചുമതലയായിരുന്നു പദ്മകുമാറിന്. ഡ്യൂട്ടി സമയത്ത് മദ്യപിച്ചെത്തി അപമര്യാദയായി പെരുമാറിയെന്നായിരുന്നു തീർഥാടകരുടെ പരാതി. തുടർന്ന് സംഭവം അറിഞ്ഞ് സ്ഥലത്തെത്തിയ ഉന്നത ഉദ്യോഗസ്ഥർ ഇയാളെ വൈദ്യപരിശോധനയ്ക്ക് വിധേയനാക്കിരുന്നു. പരിശോധനയിൽ മദ്യപിച്ചതായി തെളിഞ്ഞതിനെ തുടർന്ന് വകുപ്പുതല അന്വേഷണത്തിന് ഉത്തരവിട്ടിരുന്നു.