സഗീർ തൃക്കരിപ്പൂർ ഡയാലിസിസ് സെന്റർ കുവൈറ്റ് ചാപ്റ്റർ രൂപീകരിച്ചു

_{കുവൈറ്റ് സിറ്റി : കുവൈത്തിലെ പ്രവാസി നേതൃ നിരയിലെ പ്രമുഖനും, കെ കെ എം എ സ്ഥാപക നേതാവും സാമൂഹ്യ സാംസ്കാരിക ജീവ കാരുണ്യ പ്രവർത്തകനുമായിരുന്ന സഗീർ തൃക്കരിപ്പൂരിന്റെ നാമധേയത്തിൽ കാസർഗോഡ് ജില്ലയിലെ പടന്നയിൽ സ്ഥാപിതമാകുന്ന സഗീർ തൃക്കരിപ്പൂർ കിഡ്നി ഡയാലിസിസ് ആൻഡ് റിസേർച് സെന്ററിൻ്റെ പ്രവർത്തനത്തിൽ സഹകരിക്കുന്നതിനു വേണ്ടി, കെ.ഡി.ആർ.സി യുടെ പ്രഥമ വിദേശ ചാപ്റ്റർ കുവൈത്തിൽ നിലവിൽ വന്നു. പടന്ന, വലിയ പറമ്പ്, തൃക്കരിപ്പൂർ, ചെറുവത്തൂർ, പയ്യന്നൂർ പ്രദേശങ്ങളിൽ നിന്നുള്ളവരുടെ കൂട്ടായ്മയാണ് ചാപ്റ്ററിനു രൂപം നൽകിയത്. അബ്ബാസിയയിൽ പടന്ന മുഹമ്മദ് അലിയുടെ വസതിയിൽ ചേർന്ന യോഗം കെ.കെ. എം. എ പാട്രൻ പി.കെ. അക്ബർ സിദ്ദീഖ് ഉത്ഘാടനം ചെയ്തു. പ്രസിഡന്റ് കെ. ബഷീർ അധ്യക്ഷത വഹിച്ചു. ജനറൽ സെക്രട്ടറി ബി.എം. ഇക്ബാൽ സ്വാഗതം പറഞ്ഞു. ഒ.പി. ശറഫുദ്ധീൻ പ്രാർത്ഥന നടത്തി.}

_{കെ.ഡി.ആർ.സി കുവൈത്ത് ചാപ്റ്റർ ഭാരവാഹികളായി ജാഫർ ടി.എംസി പടന്ന (ചെയർമാൻ), അബ്ദുൽ സലാം പി. കൈതക്കാട്, സുൾഫിക്കർ കെ.കെ. വലിയപറമ്പ, മുത്തലിബ് ടി.കെ. തെക്കേക്കാട് (വൈസ് ചെയർമാൻ), മൊയ്‌ദീൻ കുട്ടി കെ.വി. പടന്ന (ജനറൽ കൺവീനർ), തസ്‌ലീം തുരുത്തി, ഷഫീഖ് തയ്യിൽ കവ്വായി, അബ്ദുൽ റഹ്മാൻ പി.പി. പടന്ന, ഫാറൂഖ് തെക്കേക്കാട് (കൺവീനർ), അൻസാരി പടന്ന (ട്രഷറർ), അബു ശാം (ജോയിന്റ് ട്രഷറർ) എന്നിവരെ തെരഞ്ഞെടുത്തു. ഇബ്രാഹിം കുന്നിൽ തിരഞ്ഞെടുപ്പ് നിയന്ത്രിച്ചു. കെ.സി.റഫീഖ്, സംസം റഷീദ്, പി.എം. ശരീഫ്, ഷംസീർ നാസ്സർ, അഷ്‌റഫ് എ.വി, ഫൈസൽ അമീർ, എ.ജി. അബ്ദുല്ലാഹ്, ഷാഫി ടി.കെ.പി, മുഹമ്മദ് സാലി പടന്ന, ഫസലുറഹ്മാൻ, സിദ്ധീഖ് ടി.കെ. തെക്കേക്കാട്, ഖലീൽ പടന്ന, സിദ്ധീഖ് എം.ടി.പി. തങ്കയം, ബശീർ കെ.പി. പടന്ന, എന്നിവർ ആശംസകൾ നേർന്നു. അബ്ദുൽ റഹ്മാൻ പടന്ന നന്ദി പറഞ്ഞു.}