സജന സജീവനും ആശാ ശോഭനയും ഇന്ത്യൻ ടീമിൽ

മുംബൈ: ബംഗ്ലാദേശ് പര്യടനത്തിലെ അഞ്ച് ട്വന്റി-20കള്‍ക്കുള്ള ഇന്ത്യൻ വനിതാ ക്രിക്കറ്റ് ടീമില്‍ ഇടം നേടി മലയാളി താരങ്ങളായ സജന സജീവനും ആശ ശോഭന ജോ‌യിയും.കഴിഞ്ഞ വർഷം ഇന്ത്യൻ ടീമില്‍ ഇടം നേടിയ ആദ്യ കേരള താരമായി ചരിത്രം കുറിച്ച മിന്നുമണിക്ക് ശേഷം ആ നേട്ടം സ്വന്തമാക്കുന്നവരാണ് സജനയും ആശയും. വനിതാ പ്രീമിയർ ലീഗിലെ മിന്നും പ്രകടനമാണ് വയനാട് സ്വദേശിയായ സജനയ്ക്കും പുതുച്ചേരിയ്ക്കായി കളിക്കുന്ന തിരുവനന്തപുരം സ്വദേശി ആശാ ശോഭനയ്ക്കും സീനിയർ ടീമിലേക്കുള്ള വഴി തുറന്നത്.