സമരാഗ്നി ഇന്ന് എറണാകുളത്തേക്ക് പ്രവേശിക്കും

കൊച്ചി: കെപിസിസി അധ്യക്ഷൻ കെ.സുധാകരനും പ്രതിപക്ഷ നേതാവ് വി.ഡി സതീശനും നയിക്കുന്ന സമരാഗ്നി ഇന്ന് എറണാകുളത്ത് എത്തിച്ചേരും . ജില്ലയിലെ ആദ്യ പൊതുസമ്മേളനം വൈകീട്ട് നാലുമണിക്ക് ആലുവ മുൻസിപ്പൽ സ്റ്റാൻഡ് പരിസരത്ത് വെച്ച് ആരംഭിക്കും. സമ്മേളനം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. വൈകീട്ടു ആറുമണിക്ക് മറൈൻ ഡ്രൈവിൽ നടക്കുന്ന പൊതുസമ്മേളനത്തിൽ തെലുങ്കാന ഉപമുഖ്യമന്ത്രി മല്ലു ഭട്ടി വിക്രമാർക്ക ഉദ്ഘാടനം ചെയ്യും. നാളെ ജില്ലയിലെ വിവിധ മേഖലകളിൽ നിന്നുള്ള പ്രതിനിധികളുമായി നേതാക്കൾ കൂടിക്കാഴ്ച നടത്തും. ജില്ലയിലെ പര്യടനം നാളെ മുവാറ്റുപുഴയിൽ സമാപിക്കും.