വിവാദ പരസ്യത്തെ തള്ളിപറഞ്ഞ് സമസ്ത

കോഴിക്കോട് : പാലക്കാട് നിയോജക മണ്ഡലം ഉപതെരഞ്ഞെടുപ്പുമായി ബന്ധപ്പെട്ട് സുപ്രഭാതം പത്രം പാലക്കാട് എഡിഷനിൽ പ്രസിദ്ധീകരിച്ച പരസ്യത്തിലെ വിഷയങ്ങളുമായി സംഘടനയ്ക്ക് ബന്ധമില്ലെന്ന് സമസ്ത.
സമസ്ത കേരള ജം ഇ യ്യത്തുൽ ഉലമ പ്രസിഡന്റ്‌ സയ്യിദ് മുഹമ്മദ്‌ ജിഫ്രി മുത്തുക്കോയ തങ്ങൾ, ജനറൽ സെക്രട്ടറി പ്രൊ. കെ. ആലിക്കുട്ടി മുസ്‌ലിയാർ, ട്രഷറർ പി. പി. ഉമ്മർ മുസ്‌ലിയാർ കൊയ്യോട്, സെക്രട്ടറി എം. ടി. അബ്ദുള്ള മുസ്‌ലിയാർ എന്നിവർ സംയുക്ത പ്രസ്താവനയിലാണ് നിലപാട് വ്യക്തമാക്കിയത്.