ഗാനഗന്ധര്‍വനു വേണ്ടി ചക്കുളത്തുകാവില്‍ സര്‍വ്വഐശ്വര്യ പൂജ നടത്തി

ചക്കുളത്തുകാവ്:ഗാനഗന്ധര്‍വന്‍ കെ.ജെ യേശു ദാസിന്റെ നവതിആഘോഷങ്ങളുടെ ഭാഗമായി ചക്കുളത്തുകാവ് ശ്രീ ഭഗവതി ക്ഷേത്രത്തിലും പ്രത്യേക പൂജകള്‍ നടന്നു. ക്ഷേത്ര കാര്യദര്‍ശി മണിക്കുട്ടന്‍ നമ്പൂതിരി നേതൃത്വത്തിലാണ് സര്‍വ്വഐശ്വര്യ പൂജ നടത്തിയത്. കഴിഞ്ഞ 28 വര്‍ഷമായി ക്ഷേത്രവുമായി അടുത്ത ബന്ധം പുലര്‍ത്തുന്ന വ്യക്തിയാണ് യേശുദാസ്.അദ്ദേഹം 03 തവണ ക്ഷേത്ര ദര്‍ശനത്തിനു എത്തുകയും,അതിനുശേഷം ക്ഷേത്ര തിരു നടയില്‍ സംഗീത അര്‍ച്ചന നടത്തുകയും ചെയ്തിട്ടുണ്ട്.ക്ഷേത്ര മുഖ്യ കാര്യദര്‍ശിമാരായ രാധാകൃഷ്ണന്‍ നമ്പൂതിരി,ഉണ്ണികൃഷ്ണന്‍ നമ്പൂതിരി ,മേല്‍ ശാന്തിമാരായ അശോകന്‍ നമ്പൂതിരി,രഞ്ജിത് ബി.നമ്പൂതിരി എന്നിവര്‍ നേതൃത്വം നല്‍കി.