ശാസ്‌ത്രോത്സവം: ആദ്യദിനം പിന്നിടുമ്പോള്‍ തിരുവനന്തപുരം മുന്നില്‍
ആലപ്പുഴ: സംസ്ഥാന സ്‌കൂള്‍ശാസ്‌ത്രോത്സവത്തിലെ ആദ്യദിനം തിരുവനന്തപുരം ജില്ല മുന്നില്‍. ഒടുവില്‍ വിവരം ലഭിക്കുമ്പോള്‍ 47 പോയന്റാണ് ഇവരുടെ സമ്പാദ്യം. 42 പോയന്റുകള്‍ വീതം നേടിയ തൃശൂരും കണ്ണൂരുമാണ് തൊട്ടുപിന്നില്‍. 41 പോയന്റുകളുമായി പാലക്കാടും കോട്ടയവും ഒപ്പത്തിനൊപ്പമാണ്. സ്‌കൂളുകളില്‍ മുന്നില്‍ തിരുവനന്തപുരം മടവൂര്‍ എന്‍.എസ്.എസ് എച്ച്.എസ്. ഇവര്‍ക്ക് 13പോയന്റ്. വയനാട് നടവയല്‍ സെന്റ് തോമസ് എച്ച്.എസ് (13), എറണാകുളം മട്ടാഞ്ചേരി ടി.ഡി.എച്ച്.എസ്.എസ് (10), തൃശൂര്‍ കൊരട്ടി എം.എ.എം.എച്ച്.എസ് (10), കോട്ടയം കോതനല്ലൂര്‍ ഇമ്മാനുവല്‍ എച്ച്.എസ്.എസ് (10) എന്നിങ്ങനെയാണ് മറ്റുള്ളവരുടെ പോയന്റ്് നില. വിവിധ വേദികളില്‍ എച്ച്.എസ് വിഭാഗം ശാസ്ത്ര-ഗണിതം, ഐ.ടി, സാമൂഹികശാസ്ത്രം ക്വിസ് മത്സരങ്ങളാണ് നടന്നത്. ശനിയാഴ്ച മുതല്‍ നഗരത്തില്‍ അഞ്ച് സ്‌കൂളുകളിലെ വേദികളില്‍ പ്രധാനമത്സരങ്ങള്‍ നടക്കും. 18നാണ് സമാപനം.