വെമ്പായം പഞ്ചായത്ത് തെരഞ്ഞെടുപ്പിൽ എസ്ഡിപിഐ - എൽഡിഎഫ് സഖ്യം; സീനത്ത് ബീവി പ്രസിഡന്റ്

വെമ്പായം: വെമ്പായം പഞ്ചായത്ത് പ്രസിഡന്റ് തെരഞ്ഞെടുപ്പിൽ സീനത്ത് ബീവിയെ പ്രസിഡന്റായി തെരഞ്ഞെടുത്തു. പ്രസിഡന്റ് ആയിരുന്ന സിപിഎമ്മിലെ ഷീലജ രാജിവച്ചതിനെ തുടർന്നാണ് തെരഞ്ഞെടുപ്പ് നടന്നത്. ജില്ലയിൽ നേരത്തെ ഉണ്ടായിരുന്ന രണ്ടര വർഷം സിപിഎമ്മും തുടർന്ന് സിപിഐയും എന്ന ധാരണ പ്രകാരമാണ് തെരഞ്ഞെടുപ്പ് നടന്നത്. കേവല ഭൂരിപക്ഷത്തിന്റെ അഭാവത്തിൽ എസ്ഡിപിഐ പിന്തുണയോടെയാണ് എൽഡിഎഫ് ഭരണം നടത്തിയിരുന്നത്. എസ്ഡിപിഐയുടെ വോട്ട് സിപിഎമ്മിന് ലഭിച്ചു. കോൺഗ്രസിൽ നിന്നും മത്സരിച്ചയാൾക്ക് 8 വോട്ടും എൽഡിഎഫിന് 11 ഉം വോട്ട് ലഭിച്ചപ്പോൾ ബിജെപിയുടെ രണ്ട് മെമ്പർമാർ വോട്ടെടുപ്പിൽ പങ്കെടുത്തില്ല.