അസമിലെ സമുന്നത ബിജെപി നേതാവ് അമിനുൾ ഹഖ് ലാസ്കർ കോൺഗ്രസിൽ

ലോക് സഭാ തിരഞ്ഞെടുപ്പ് അടുത്തിരിക്കവേ അസമിൽ ബിജെപിക്ക് കനത്ത തിരിച്ചടി. ഭരണകക്ഷിയായ ബിജെപിയുടെ സമുന്നത ന്യൂനപക്ഷ നേതാവ് അമിനുൾ ഹഖ് ലാസ്കർ കോൺഗ്രസിൽ ചേർന്നു.

“13 വർഷമായി ബിജെപിയിൽ പ്രവർത്തിക്കുന്നു. അന്നത്തെയും ഇന്നത്തെയും ബിജെപി ഒരുപാട് വ്യത്യാസം ഉണ്ട് . കഴിഞ്ഞകാലത്ത് ബിജെപി മാറ്റങ്ങളെകുറിച്ചാണ് സംസാരിച്ചിരുന്നത്. പിന്നീട് ബിജെപിയുടെ രാഷ്ട്രീയ പ്രത്യയശാസ്ത്രം നഷ്ടപ്പെട്ടു. ഇതാണ് എൻ്റെ രാജി തീരുമാനത്തിന് പിന്നിൽ”- ലാസ്കർ പറഞ്ഞു.

കോൺഗ്രസ് അസം പ്രസിഡൻ്റ് ജിതേന്ദ്ര സിംഗ് അൽവാറിൻ്റെ സാന്നിധ്യത്തിലാണ് ലസ്കർ കോൺഗ്രസ് പാർട്ടി അംഗത്വം സ്വീകരിച്ചത്. 2016 ലാണ് ആദ്യ ന്യൂനപക്ഷ എംഎൽഎയായി അമിനുൾ അസം തെരഞ്ഞെടുക്കപ്പെട്ടത്. അസം നിയമസഭാ ഡെപ്യൂട്ടി സ്പീക്കറായിരുന്ന ലസ്കർ, സ്റ്റേറ്റ് ന്യൂനപക്ഷ കമ്മീഷൻ ചെയർപേഴ്സണായും സേവനമനുഷ്ഠിച്ചിട്ടുണ്ട്.