രഞ്ജിത്തിനെതിരായ ലൈംഗിക ആരോപണം: കേസ് ഇന്ന് പ്രത്യേക അന്വേഷണസംഘത്തിന് കൈമാറും

കൊച്ചി: സംവിധായകന്‍ രഞ്ജിത്തിനെതിരായ ലൈംഗികാതിക്രമ പരാതിയുടെ അന്വേഷണത്തിനുള്ള കേസ് ഇന്ന് പ്രത്യേക അന്വേഷണ സംഘത്തിന് കൈമാറപ്പെടും. ബംഗാളി നടിയുടെ പരാതിയെ അടിസ്ഥാനമാക്കി എറണാകുളം നോര്‍ത്ത് പോലീസ് സംഭവത്തിൽ കേസെടുക്കും. പ്രത്യേക അന്വേഷണസംഘം നടിയുടെ രഹസ്യമൊഴി രേഖപ്പെടുത്തും. ഡിജിപിയുടെ ഉത്തരവിന്റെ അടിസ്ഥാനത്തിലാണ് കൊച്ചി സിറ്റി പൊലീസ് കമ്മീഷണര്‍ക്ക് കേസിന് പ്രത്യേക സംഘത്തിന് കൈമാറാനുള്ള നിർദ്ദേശം ലഭിച്ചത്.

2009-ൽ നടന്ന സംഭവം എന്ന നിലയിൽ, രഞ്ജിത് സംവിധാനം ചെയ്ത 'പാലേരിമാണിക്യം' എന്ന ചിത്രത്തിനായുള്ള ഓഡിഷനില്‍ നടിയെ ക്ഷണിച്ചു. തുടർന്ന് കൊച്ചി കടവന്ത്രയിലെ ഒരു ഫ്ളാറ്റിലേക്ക് രഞ്ജിത്ത് ക്ഷണിക്കുകയും നടിയെ ലൈംഗികമായി ആക്രമിക്കുകയും ചെയ്‌തു എന്നാണ് ആരോപണം. രഞ്ജിത് നടിയെ റൂമിലേക്ക് വിളിച്ചുവരുത്തി, കൈ, വളകൾ, കഴുത്ത്, മുടി തുടങ്ങിയവയിൽ സ്പർശിച്ച്ചെന്നും നടി വെളിപ്പെടുത്തിയിരുന്നു. സിനിമാ പ്രവർത്തനത്തിന് പുറമേ മറ്റൊരു ഉദ്ദേശ്യമുണ്ടെന്ന് മനസിലായതോടെ നടി നാട്ടിലേക്ക് മടങ്ങുകയായിരുന്നു. നടിയുടെ വെളിപ്പെടുത്തലിന് പിന്നാലെ രഞ്ജിത് ചലച്ചിത്ര അക്കാദമി ചെയർമാന്‍ സ്ഥാനത്തുനിന്ന് രാജിവെച്ചിരുന്നു.