ലൈംഗികാതിക്രമ കേസ്; ഒമർ ലുലുവിന് ഇടക്കാല ജാമ്യം

കൊച്ചി: യുവ യുവനടിയ്‌ക്കെതിരായ ലൈംഗികാതിക്രമ കേസില്‍ ഒമര്‍ ലുലുവിന് ഇടക്കാല ജാമ്യം. ഒമര്‍ ലുലുവിന്റെ മുന്‍കൂര്‍ ജാമ്യാപേക്ഷയിലാണ് ഹൈക്കോടതി ഇടക്കാല ജാമ്യത്തിന് ഉത്തരവിട്ടു.

അറസ്റ്റ് ചെയ്താല്‍ 50,000 രൂപയുടെ ആള്‍ജാമ്യത്തില്‍ വിട്ടയക്കണം. മുന്‍കൂര്‍ ജാമ്യാപേക്ഷയില്‍ ജൂണ്‍ ആറിന് വിശദമായ വാദം കേള്‍ക്കും.സിനിമയിൽ അവസരം നൽകാമെന്ന് വാഗ്ദാനം ചെയ്ത് നിരവധി തവണ ലൈംഗികാതിക്രമം നടത്തിയെന്നാണ് നടിയുടെ പരാതി. കേസിൽ നെടുമ്പാശ്ശേരി പൊലീസ് കേസെടുത്ത് നടിയുടെ മൊഴി രേഖപ്പെടുത്തിയിരുന്നു.

വ്യക്തിവിരോധമാണ് കേസിന് പിന്നിലെന്നാണ് ഒമർ ലുലുവിന്റെ പ്രതികരണം. നടിയുമായി നല്ല സൗഹൃദമായിരുന്നെന്നും ഇതിനിടയിലുണ്ടായ വിരോധമാണ് കേസിന് പിന്നിലെന്നുമാണ് ഒമർ ലുലു പറഞ്ഞത്. മാത്രമല്ല പണത്തിനു വേണ്ടികൂടിയാണ് തനിക്കെതിരെ ഇത്തരമൊരു പരാമർശം നൽകിയിരിക്കുന്നതെന്നും ഒമർ ലുലു ആരോപിച്ചു.