എസ്എഫ്ഐ തിരുത്തണം: എ കെ ബാലൻ

പാലക്കാട്: എസ്എഫ്ഐയുടെ നിലപാടുകളിൽ തിരുത്തൽ ഉണ്ടാകണമെന്ന് സിപിഎം കേന്ദ്ര കമ്മിറ്റി അംഗം എ കെ ബാലൻ. ഇടത് സംഘടനയുടെ സ്വഭാവത്തിന് യോജിക്കാത്ത പലരും സംഘടനയിൽ ഉണ്ട്. അത് തിരുത്തേണ്ടത് സംഘടനയുടെ ഉത്തരവാദിത്തമാണെന്നും എ കെ ബാലൻ പറഞ്ഞു.

വയനാട്ടിൽ രാഹുൽ ഗാന്ധിയുടെ ഓഫീസ് ആക്രമിച്ച സംഭവത്തിൽ എസ്എഫ്ഐ ജില്ലാ കമ്മിറ്റി പിരിച്ചുവിട്ടത് തിരുത്തൽ നടപടി ആയിരുന്നു. ഇപ്പോൾ നടക്കുന്ന പല കാര്യങ്ങളും എസ്എഫ്ഐയുമായി ബന്ധപ്പെട്ടത് ഒഴിവാക്കേണ്ടിയിരുന്നു. എന്നാൽ അത് എസ്എഫ്ഐ മാത്രം വിചാരിച്ചാൽ കഴിയില്ല. പല ചാപല്യങ്ങളും എസ്എഫ്ഐയെ മുൻപും ബാധിച്ചിട്ടുണ്ട്. അപ്പോഴെല്ലാം തിരുത്തൽ നിലപാടുകൾ ഉണ്ടായി. തിരുത്തലുകൾ ഉണ്ടാകണമെന്നും എ കെ ബാലൻ പറഞ്ഞു.