യൂണിവേഴ്സിറ്റി കോളജില്‍ ഭിന്നശേഷി വിദ്യാർത്ഥിക്ക് എസ്എഫ്ഐ മർദ്ദനം; ക്രൂരമായ സംഭവമെന്ന് ഗവർണർ

തിരുവനന്തപുരം: യൂണിവേഴ്സിറ്റി കോളജില്‍ ഭിന്നശേഷി വിദ്യാർത്ഥി എസ്എഫ്ഐ നേതാക്കൾ മർദ്ദിച്ചത് ക്രൂരമായ സംഭവമെന്ന് ഗവർണർ ആരിഫ് മുഹമ്മദ് ഖാൻ. ഇത്തരം കാര്യങ്ങള്‍ അനുവദിക്കാൻ കഴിയാത്തതാണ്. കോളജ് അധികൃതർ നടപടി സ്വീകരിക്കുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു. നിയമങ്ങളും നടപടികളും പാലിച്ചില്ലെങ്കില്‍ തീർച്ചയായും താൻ ഇടപെടുമെന്നും വിഷയത്തില്‍ അടിയന്തരമായി തന്നെ നടപടി സ്വീകരിക്കണമെന്നും ഗവർണർ ആവശ്യപ്പെട്ടു.

ഭിന്നശേഷിക്കാരനായ വിദ്യാർഥിയെയും സുഹൃത്തിനെയും എസ്‌എഫ്‌ഐ പ്രവർത്തകരാണ് മർദിച്ചത്. കോളജിലെ യൂണിയൻ റൂമില്‍ കൊണ്ടുപോയി മർദിക്കുകയും ഭീഷണിപ്പെടുത്തുകയും ചെയ്തുവെന്നാണ് പരാതി.പൂവച്ചല്‍ സ്വദേശിയായ വിദ്യാർഥി മുഹമ്മദ് അനസിനെയും സുഹൃത്തിനെയുമാണ് യൂണിറ്റ് ഭാരവാഹികള്‍ ഭീഷണിപ്പെടുത്തുകയും മർദിക്കുകയും ചെയ്തത്. വിദ്യാർഥിയെ ഭീഷണിപ്പെടുത്തുന്നതിന്‍റെയും തല്ലാനായി വെല്ലുവിളിക്കുന്നതിന്‍റെയും വീഡിയോ ദൃശ്യങ്ങള്‍ പുറത്തുവന്നിരുന്നു.