നാണംകെട്ട് പൊലീസ്‌; പരിശോധിച്ച 12 മുറികളിൽ ഒന്നും കണ്ടെത്തെനായില്ല

പാലക്കാട്‌: കോൺഗ്രസ് നേതാക്കളുടെ ഹോട്ടൽ മുറികളിൽ നടത്തിയ പരിശോധനയിൽ ഒന്നും കണ്ടെത്താനായില്ലെന്ന് പൊലീസ്. 12 മുറികളിൽ നടത്തിയ പരിശോധനയിൽ പണം ഉൾപ്പെടെ ഒന്നും കണ്ടെത്താനായില്ലെന്ന് എഎസ്പി അശ്വതി ജിജി മാധ്യമങ്ങളോട് പറഞ്ഞു. പണം സംബന്ധിച്ച പരാതി ഒന്നും ലഭിച്ചില്ലെന്നും സാധാരണ പരിശോധന മാത്രമാണ് നടത്തിയത് എന്നുമായിരുന്നു മാധ്യമങ്ങളോട് വ്യക്തമാക്കിയത്.

ഇന്നലെ അർദ്ധരാത്രി 12 മണിയോടെ കോൺഗ്രസ് വനിതാ നേതാക്കൾ ഉൾപ്പെടെ താമസിച്ചിരുന്ന ഹോട്ടൽ മുറികളിൽ സിപിഎം,ഡിവൈഎഫ്ഐ, ബിജെപി യുവമോർച്ച, നേതാക്കളുടെ കാവലിൽ വ്യാപക പരിശോധന നടത്തിയെങ്കിലും ഒന്നും കണ്ടെത്താനാകാതെ പോലീസ് ഇളഭ്യരായി മടങ്ങുകയായിരുന്നു. പരിശോധനയ്ക്കിടെ യുവമോർച്ച ഡിവൈഎഫ്ഐ നേതാക്കളുടെ നേതൃത്വത്തിൽ യുഡിഎഫ് പ്രവർത്തകർക്ക് നേരെ അതിക്രമം ഉണ്ടായെങ്കിലും പോലീസ് കാഴ്ചക്കാരായ നിന്നുവെന്നും യുഡിഎഫ് പ്രവർത്തകർ ആരോപിച്ചു.