വിഴിഞ്ഞത്ത് മൂന്നാമതും കപ്പലടുത്തു

തിരുവനന്തപുരം: വിഴിഞ്ഞം അന്താരാഷ്ട്ര തുറമുഖത്ത് മൂന്നാമതും കപ്പലടുത്തു. ഇവിടെ സ്ഥാപിക്കാനുള്ള ക്രെയിനുകളുമായി ചൈനയിൽ നിന്നുള്ള ഷെൻഹുവ കപ്പലാണ് വിഴിഞ്ഞം തുറമുഖത്ത് എത്തിയത്. ഇത് മൂന്നാമത്തെ തവണയാണ് ക്രെയിനുകൾ വിഴിഞ്ഞത്ത് എത്തിക്കുന്നത്. ഇത്തവണ ആറ് ക്രെയിനുകളാണ് വിഴിഞ്ഞത്ത് ഇറക്കുക. ഒക്ടോബർ 12ന് ക്രെയിനുകളുമായി ആദ്യകപ്പൽ എത്തിയിരുന്നു. ഇതിൽ രണ്ട് യാർഡ് ക്രെയിനുകളും ഒരു ഷിഫ്റ്റ് ഷോർ ക്രെയിനുമാണ് വിഴിഞ്ഞത്ത് ഇറക്കിയത്. ഇതിന് ശേഷം നവംബർ ഒമ്പതിന് രണ്ടാമത്തെ കപ്പലെത്തി. ഇതിൽ ഒരു ഷിഫ്റ്റ് ടു ഷോർ ക്രെയിനും മൂന്ന് യാർഡ് ക്രെയിനുകളും എത്തിച്ചു.