ചില സഹകരണ സംഘങ്ങൾ
കള്ളപ്പണ നിക്ഷേപ കേന്ദ്രം:
ചെറിയാൻ ഫിലിപ്പ്

തിരുവനന്തപുരം: കേരളത്തിലെ ചില സഹകരണ സംഘങ്ങൾ അഴിമതിക്കാരായ രാഷ്ട്രീയക്കാരുടെയും ഉദ്യോഗസ്ഥരുടെയും അഴിമതിപ്പണം നിക്ഷേപിക്കുന്നതിനുള്ള കള്ളപ്പണ നിക്ഷേപകേന്ദ്രങ്ങളായി മാറിയിരിക്കുകയാണെന്ന് ചെറിയാൻ ഫിലിപ്പ്.

സഹകരണ സംഘങ്ങളിൽ പണം നിക്ഷേപിക്കുന്നവരുടെ നിക്ഷേപ , പലിശ വിവരങ്ങൾ യഥാസമയം ആദായ നികുതി വകുപ്പിനെ അറിയിക്കണമെന്ന കേന്ദ്ര നിയമം പലയിടത്തും ലംഘിക്കപ്പെടുകയാണ്. പലിശ വരുമാനത്തിന്റെ ടി.ഡി.എസ് നിക്ഷേപകരിൽ നിന്നും പിടിയ്ക്കുകയോ ആദായ നികുതി വകുപ്പിൽ അടയ്ക്കുകയോ ചെയ്യുന്നില്ല. പല സഹകരണ സംഘങ്ങളും 'ബാങ്ക് ' എന്ന് അനധികൃതമായി നാമകരണം ചെയ്താണ് നിക്ഷേപ സമാഹരണവും വായ്പ തട്ടിപ്പും നടത്തുന്നത്. ചില സഹകരണ സംഘ ഭാരവാഹികൾ സ്ഥാപനത്തെ സ്വകാര്യ സ്വത്താക്കി മാറ്റി ദുർവിനിയോഗം ചെയ്യുകയാണ്. കരുവന്നൂരും കണ്ടലയും സഹകരണ മേഖലയെ ബാധിച്ചിട്ടുള്ള അർബുദ രോഗത്തിന്റെ ചില ദുർലക്ഷണങ്ങളാണെന്നും അദ്ദേഹം പറഞ്ഞു.