സ്ട്രോങ് റൂമുകൾ തുറന്ന് തുടങ്ങി; വോട്ടെണ്ണൽ എട്ടുമണി മുതൽ

കൊച്ചി: സംസ്ഥാനത്ത് വോട്ടിങ് മെഷീനുകൾ സൂക്ഷിച്ച സ്ട്രോങ് റൂമുകൾ തുറന്ന് തുടങ്ങി. എറണാകുളത്തും തിരുവനന്തപുരത്തും ആണ് ആദ്യം സ്ട്രോങ്ങ് റൂമുകൾ തുറന്നത്. എട്ട് മണിയോടെ മാത്രമേ വോട്ട് എണ്ണി തുടങ്ങുകയുള്ളൂ. ആദ്യം പോസ്റ്റൽ ബാലറ്റും പിന്നീട് ഇലക്ട്രോണിക് വോട്ടിംഗ് മെഷീനിലെ വോട്ടുകളും ആകും എണ്ണുക.വോട്ടെണ്ണൽ ആരംഭിച്ചുകഴിഞ്ഞാൽ ഉടൻതന്നെ ആദ്യമാകുന്ന വിധത്തിലാണ് ക്രമീകരണങ്ങൾ. വോട്ടെണ്ണൽ കേന്ദ്രങ്ങളിൽ കനത്ത സുരക്ഷാസംവിധാനമാണ് കേന്ദ്ര തിരഞ്ഞെടുപ്പ് കമ്മീഷൻ നിർദ്ദേശിച്ചിട്ടുള്ളത്. വിജയാഹ്ലാദപ്രകടനത്തിൽ അടക്കം നിയന്ത്രണങ്ങൾ വേണമെന്ന് കമ്മീഷൻ രാഷ്ട്രീയപാർട്ടികളോട് ആവശ്യപ്പെട്ടു.