വിദ്യാർഥികൾക്ക് ഇടിമിന്നലേറ്റു; ഇല്ലിക്കൽക്കല്ലിലും ഇലവീഴാപ്പൂഞ്ചിറയിലും സഞ്ചാരികൾക്ക് നിരോധനം

കോട്ടയം: വിനോദസഞ്ചാര കേന്ദ്രമായ ഇല്ലിക്കൽക്കല്ലിൽ വിദ്യാർഥികൾക്ക് ഇടിമിന്നലേറ്റു. വെള്ളിയാഴ്ച ഉച്ചയ്ക്ക് 12:30 യോടെയായിരുന്നു സംഭവം. മഴയില്ലാത്ത കാലാവസ്ഥ ഉണ്ടായിരുന്ന സമയത്താണ് ഇടിമിന്നൽ ഉണ്ടായത്. പ്രദേശത്ത് സ്ഥാപിച്ച കൈവരികളിൽ പിടിച്ചു നിൽക്കുകയായിരുന്നു വിദ്യാർഥികൾ. ബോധക്ഷയമുണ്ടായ ഇരുവരേയും സ്ഥലത്തുണ്ടായിരുന്ന ഡിടിപിസി ജീവനക്കാർ ഈരാറ്റുപേട്ടയിലെ സ്വകാര്യ ആശുപത്രിയിൽ എത്തിക്കുകയും തുടർന്ന് പാലായിലെ സ്വകാര്യ ആശുപത്രിയിലേക്കു മാറ്റി.