മുബൈ ട്രെയിന്‍ സ്‌ഫോടന കേസില്‍ അബ്ദുല്‍ കരീം തുണ്ടയെ ടാഡ കോടതി വെറുതെവിട്ടു

ജയ്പൂര്‍: 1993ലെ മുബൈ ട്രെയിന്‍ സ്‌ഫോടന പരമ്പര കേസുകളില്‍ അറസ്റ്റ് ചെയ്ത ലഷ്‌കറെ ത്വയ്യിബ നേതാവ് അബ്ദുല്‍ കരീം തുണ്ടയെ ടാഡ കോടതി വെറുതെവിട്ടു. തുണ്ടക്കെതിരെ തെളിവില്ലെന്നത് ചൂണ്ടിക്കാട്ടിയാണ് രാജസ്ഥാനിലെ ടാഡ കോടതി കുറ്റവിമുക്തനാക്കിയത്. ബാബരി മസ്ജിദ് തകര്‍ക്കപ്പെട്ടതിന്റെ വാര്‍ഷികത്തോടനുബന്ധിച്ച നടന്ന സ്‌ഫോടന പരമ്പരകളില്‍ രണ്ടുപേര്‍ കൊല്ലപ്പെടുകയും നിരവധിപേര്‍ക്ക് പരിക്കേല്‍ക്കുകയും ചെയ്തിരുന്നു. കോട്ട, കാണ്‍പൂര്‍, സെക്കന്‍ഡരാബാദ്,സൂറത്ത് എന്നിവിടങ്ങളിലേക്ക് പോകുന്ന ട്രെയിനുകളിലാണ് സ്‌ഫോടനമുണ്ടായത്. സ്‌ഫോടനക്കേസിലെ പ്രതികളെ ടാഡ നിയമപ്രകാരമാണ് അറസ്റ്റ് ചെയ്തത്.സി.ബി.ഐക്കായിരുന്നു അന്വേഷണത്തിന്റെ ചുമതല.

1996 ലെ ബോംബ് സ്‌ഫോടനക്കേസില്‍ ജീവപര്യന്തം തടവുശിക്ഷ അനുഭവിക്കുകയാണ് ഇപ്പോള്‍ 84 വസയുള്ള തുണ്ട. നിരവധി ബോംബ് സ്‌ഫോടനക്കേസുകളില്‍ പ്രതിചേര്‍ക്കപ്പെട്ടിട്ടുണ്ട് തുണ്ട. ചില കേസുകളില്‍ വിചാരണ നടന്നുകൊണ്ടിരിക്കുകയാണ്.