കളിസ്ഥലത്ത് കൗമാരക്കാരി ബലാത്സംഗത്തിനിരയായി; 12 വയസ്സുകാരനുള്‍പ്പെടെ 8 ആണ്‍കുട്ടികള്‍ അറസ്റ്റിൽ

ലണ്ടൻ: കൗമാരക്കാരിയെ ബലാത്സംഗം ചെയ്ത കേസില്‍ 12 വയസ്സുകാരനുള്‍പ്പെടെ 8 ആണ്‍കുട്ടികള്‍ ‌അറസ്റ്റില്‍. ബ്രിട്ടനിലെ നോട്ടിങ്ഹാംഷെയറിൽ പ്ളേ ഗ്രൗണ്ടിലാണ് സംഭവം. മേയ് 25 ന് വൈകുന്നേരം നെവാര്‍ക്കിലെ യോര്‍ക്ക് പ്ലേഗ്രൗണ്ടിൽ വച്ചാണ് കൗമാരക്കാരിയായ പെണ്‍കുട്ടി ആക്രമിക്കപ്പെട്ടത്. സംഭവത്തില്‍ എട്ട് ആണ്‍കുട്ടികളെ അറസ്റ്റ് ചെയ്തതായി നോട്ടിങ്ഹാംഷെയർ പൊലീസ് അറിയിച്ചു. തുടര്‍ന്ന് ഇവരെ കര്‍ശന ഉപാധികളോടെ ജാമ്യത്തില്‍ വിട്ടയച്ചു.
15 വയസ്സുള്ള രണ്ട് ആൺകുട്ടികളെയും, 16 വയസ്സുള്ള രണ്ട് ആൺകുട്ടികളെയും ബലാത്സംഗം ആരോപിച്ച് ഈ ആഴ്ച ആദ്യം അറസ്റ്റ് ചെയ്തിരുന്നു. ഇവര്‍ നാല് പേരും സോപാധിക ജാമ്യത്തില്‍ തുടരുകയാണെന്ന് ഉദ്യോഗസ്ഥര്‍ പറഞ്ഞു. ഏറ്റവും ഒടുവിൽ അറസ്റ്റിലായത് 12 ഉം, 13 ഉം വയസ്സുള്ളവരും 14 വയസുള്ള രണ്ടു പേരുമാണ്.