ജയരാജന്റെ വീട്ടിൽ ബിജെപി നേതാവ് വന്നത് പാർട്ടിയെ അറിയിച്ചില്ല; സിപിഎം നേതൃത്വത്തിൽ അസ്വാരസ്യങ്ങൾ

എൽഡിഎഫ് കൺവീനർ ഇ പി ജയരാജൻ കേരളത്തിന്റെ ചുമതലയുള്ള ബിജെപി നേതാവ് പ്രകാശ് ജാവദേക്കറുമായി കൂടിക്കാഴ്ച നടത്തിയ സംഭവത്തിൽ പാർട്ടി നടപടിക്ക് ഒരുങ്ങുന്നതായി അടുത്ത വൃത്തങ്ങൾ. കഴിഞ്ഞദിവസം മുഖ്യമന്ത്രി പിണറായി വിജയൻ പരസ്യമായി ഇ പി ജയരാജനെ വിമർശിച്ചിരുന്നു. പാർട്ടിയെ അറിയിക്കാതെ ബിജെപി നേതാവ് വീട്ടിലെത്തി കണ്ടത് തെറ്റായി തന്നെ കണക്കാക്കും. തിങ്കളാഴ്ച ചേരുന്ന സിപിഎം സംസ്ഥാന സെക്രട്ടറിയേറ്റ് യോഗത്തിൽ കൂടുതൽ നടപടികൾ ഉണ്ടാകുമെന്നാണ് സൂചന.