ജില്ലാ അധ്യക്ഷന് ഇരട്ടവോട്ടുണ്ട്; സമ്മതിച്ച് ബി.ജെ.പി സ്ഥാനാര്‍ഥി സി. കൃഷ്ണകുമാര്‍

പാലക്കാട്: ബി.ജെ.പി ജില്ലാ അധ്യക്ഷന് ഇരട്ടവോട്ടുണ്ടെന്ന് സമ്മതിച്ച് സ്ഥാനാര്‍ഥി സി. കൃഷ്ണകുമാര്‍. ഇത് നീക്കം ചെയ്യാന്‍ അപേക്ഷ നല്‍കിയിരുന്നുവെന്നും തിരഞ്ഞെടുപ്പ് കമ്മീഷനാണ് ഇത് നീക്കം ചെയ്യേണ്ടതെന്നും കൃഷ്ണകുമാര്‍ പറഞ്ഞു. ഒരന്വേഷണവും ഇല്ലാതെയാണ് 16 പേരുടെ വോട്ട് ഒഴിവാക്കിയത്. ഇവര്‍ അപേക്ഷ കൊടുക്കാത്ത, സ്ഥിരതാമസക്കാരാണ്. തങ്ങള്‍ കള്ളവോട്ട് ചേര്‍ത്തിയിട്ടില്ലെന്നും സി. കൃഷ്ണകുമാര്‍ പറഞ്ഞു. പരസ്യപ്രചാരണം അവസാനിക്കാന്‍ നാല് ദിവസം മാത്രം ശേഷിക്കെ ഇരട്ടവോട്ടുമായി ബന്ധപ്പെട്ട ആരോപണ പ്രത്യാരോപണങ്ങളുമായി മുന്നോട്ട് പോകുകയാണ് മുന്നണികള്‍.