പൊലീസുകാരന്‍ ആത്മഹത്യ ചെയ്ത നിലയില്‍

കൊച്ചി: എറണാകുളം ഇന്‍ഫോപാര്‍ക്ക് പോലീസ് സ്റ്റേഷനിലെ സി പി ഒ ആത്മഹത്യ ചെയ്ത നിലയില്‍. സി പി ഒ മധു(48)ആണ് മരിച്ചത്. ഹരിപ്പാട് തൃക്കുന്നപ്പുഴ മഹാദേവികാടുള്ള വീട്ടില്‍ ഇന്ന് രാവിലെയാണ് തൂങ്ങിമരിച്ച നിലയില്‍ കണ്ടെത്തിയത്.മധു നാലു മാസത്തോളമായി മെഡിക്കല്‍ ലീവിലായിരുന്നു. ഭാര്യയുമായി മൂന്നു മാസമായി പിണങ്ങിക്കഴിയുകയായിരുന്നു ഇദ്ദേഹം. കുടുംബ പ്രശ്നങ്ങളാവാം കാരണമെന്നാണ് പോലിസിന്റെ പ്രാഥമിക നിഗമനം. മൃതദേഹം ആശുപത്രിയിലേക്ക് മാറ്റി.