സിനിമയിലെ പവർ ഗ്രൂപ്പ് സർക്കാരിനെയും നിയന്ത്രിക്കുന്നു; യൂത്ത് കോൺഗ്രസ് ലുക്ക് ഔട്ട് നോട്ടീസ് മാർച്ച് നടത്തി

കൊല്ലം: സിനിമാ മേഖലയെ നിയന്ത്രിക്കുന്ന പവർ ഗ്രൂപ്പ് തന്നെയാണ് സർക്കാറിനെ നിയന്ദ്രിക്കുന്നതെന്ന് യൂത്ത് കോൺഗ്രസ് ആരോപിച്ചു. കൊല്ലം ജില്ലയിൽ നിന്നുള്ള പവർ ഗ്രൂപ്പിലെ രണ്ടു ജനപ്രതിനിധികളുടെ കാര്യത്തിൽ കേസെടുക്കണമെന്ന ആവശ്യവുമായി യൂത്ത് കോൺഗ്രസ് പ്രവർത്തകർ കൊല്ലം സിറ്റി പോലീസ് കമ്മീഷണർ ഓഫിസിലേക്ക് ലുക്ക് ഔട്ട് നോട്ടീസ് മാർച്ച് നടത്തി. മാർച്ച് യൂത്ത് കോൺഗ്രസ് സംസ്ഥാന വൈസ് പ്രസിഡൻറ് വിഷ്ണു സുനിൽ ഉദ്ഘാടനം ചെയ്തു. സിനിമാ രംഗത്ത് സ്ത്രീകൾ നേരിടുന്ന കൊടിയ പീഡനങ്ങളുടെ വിവരങ്ങളടങ്ങിയ ഹേമ കമ്മീഷൻ റിപ്പോർട്ട് പൂഴ്ത്തിയ സർക്കാർ അധികാര ദുർവിനിയോഗമാണ് കാട്ടിയതെന്നദ്ദേഹം കുറ്റപ്പെടുത്തി.