ക്ഷേത്രത്തിലെ തിരുവാഭരണം മോഷ്ടിച്ച പൂജാരി അറസ്റ്റിൽ

തിരൂര്‍: ക്ഷേത്രത്തിലെ അഞ്ചുപവനോളമുള്ള തിരുവാഭരണം കവര്‍ച്ചചെയ്ത് മുങ്ങിയ കേസില്‍ പൂജാരിയായിരുന്ന യുവാവിനെ തിരൂര്‍ പോലീസ് അറസ്റ്റുചെയ്തു. തിരുനാവായയിലെ ഒരു ക്ഷേത്രത്തിലെ മുന്‍ ജീവനക്കാരനും പാലക്കാട് നെന്മാറ സ്വദേശിയുമായ മനയ്ക്കല്‍ ധനേഷിനെ(32)യാണ് തിരൂര്‍ പോലീസ് ഇന്‍സ്പെക്ടര്‍ എം.കെ. രമേഷിന്റെ നേതൃത്വത്തിലുള്ള പോലീസ് സംഘം അറസ്റ്റുചെയ്തത്.

കഴിഞ്ഞവര്‍ഷം ജോലിക്കുവന്ന ഇയാള്‍ കുറച്ചുകാലം ജോലിചെയ്ത് തിരുവാഭരണം കൈക്കലാക്കി അതേ മാതൃകയിലുള്ള മുക്കുപണ്ടം തിരികെ വെക്കുകയായിരുന്നുവെന്ന് പോലീസ് പറഞ്ഞു.