ശ്രീനിവാസൻ വധക്കേസിൽ ഹൈക്കോടതിക്ക് പിഴവെന്ന് സുപ്രീംകോടതി

ന്യൂഡൽഹി: ശ്രീനിവാസൻ വധക്കേസിൽ ഹൈക്കോടതിക്ക് പിഴവെന്ന് സുപ്രീംകോടതി. കേസിലെ 17 പ്രതികൾക്ക് ജാമ്യം അനുവദിച്ചതിൽ ഹൈക്കോടതിക്ക് പിഴവ് സംഭവിച്ചുവെ ന്നാണ് സുപ്രീംകോടതിയുടെ കണ്ടെത്തൽ. ഹൈക്കോടതി 17 പ്രതികൾക്ക് ഒരുമിച്ച് ജാമ്യം നൽകിയതിനെ ചോദ്യം ചെയ്‌ത്‌ എൻഐഎയാണ് സുപ്രീംകോടതിയെ സമീപിച്ചത്. ഇതിനു പുറമേ കേസിൽ ജാമ്യം നിഷേധിച്ചവരും സുപ്രീംകോടതിയെ സമീപിച്ചിരുന്നു. ഓരോ പ്രതികളുടെയും പങ്ക് പ്രത്യേകം പരിഗണിക്കണമായിരുന്നുവെന്നും കോടതി ചൂണ്ടിക്കാട്ടി. അതേസമയം കേസിൽ ഹൈക്കോടതി ജാമ്യം നിഷേധിച്ചവരുടെ കാര്യത്തിൽ അത്തരത്തിലുള്ള പരിശോധന ഉണ്ടായെന്നും സുപ്രീംകോടതി നിരീക്ഷിച്ചു.
ജാമ്യം ലഭിച്ച 17 പേർക്കും സുപ്രീം കോടതി നോട്ടീസ് അയച്ചു. ഹർജി അടുത്തമാസം വീണ്ടും സുപ്രീം കോടതി പരിഗണിക്കും.