അടയ്ക്കാ കള്ളന്മാരെ പിടികൂടാൻ സ്ഥാപിച്ച കാമറ കള്ളമാർ അടിച്ചുകൊണ്ടുപോയി

മലപ്പുറം: അടയ്ക്കാ കള്ളന്മാരെ പിടിക്കാൻ സ്ഥാപിച്ച കാമറയും അടിച്ചുകൊണ്ട് പോയി കള്ളന്മാർ. മലപ്പുറം ചോക്കാടാണ് സംഭവം. തുടർന്ന് മൂന്ന് പേരെ പൊലീസ് അറസ്റ്റ് ചെയ്തു. മമ്ബാട്ടുമൂല സ്വദേശികളായ നെല്ലുന്നൻ ജിഷ്ണു, പൂലോടൻ ശ്രീജിത്ത്, മരുദത്ത് മുഹമ്മദ് സനൂപ് എന്നിവരാണ് പൊലീസ് പിടിയിലായത്.
കമുകിൻ തോട്ടത്തില്‍ നിന്ന് അടക്ക മോഷണം പതിവായതോടെയാണ് തോട്ടയുടമ കണ്ടത്തില്‍ ഗോപിനാഥൻ രണ്ടിടങ്ങളില്‍ ക്യാമറ സ്ഥാപിച്ചത്. എന്നാല്‍ തൊട്ടടുത്ത ദിവസം തന്നെ കാമറയും മോഷണം പോവുകയായിരുന്നു.
തുടർന്ന് നടത്തിയ തിരച്ചിലില്‍ കാമറ നശിപ്പിച്ച നിലയില്‍ കണ്ടെത്തിയിരുന്നു. എന്നാല്‍ മോഷ്ടാക്കള്‍ വിദഗ്ധമായി കാമറ മോഷ്ടിച്ചെങ്കിലും ഇതെല്ലാെ മറ്റൊരിടത്ത് റെക്കോർഡ് ആകുന്നുണ്ടെന്ന കാര്യം പ്രതികള്‍ അറിഞ്ഞിരുന്നില്ല. പ്രതികളുടെ പേരില്‍ കാമറ മോഷ്ടിച്ചതിനാണ് കേസെടുത്തത്. തുടർന്ന് ഇവരെ മഞ്ചേരി കോടതിയില്‍ ഹാജരാക്കി.